Wan – Berfa zêde ya li Wanê barî, li ser jiyana welatiyan neyînî bandor kir û şaredarî jî di paqijiyê de kêm man.
Li Wanê di 29ê Kanûnê de barîna berfê dest pê kir û 3 rojan berdewam kir. Di encama barîna berfê ya zêde de li Wanê rêyên 569 gundan hatin girtin û tîmên şaredariyan ji bo paqijkirina van rêyan ketin nava tevgerê. Li kolan û kûçeyên navenda Wanê jî berfa zêde, di hêla çûn û hatinê de gelek astengî derxistin holê. Taybetî jî berfa ku li erdê maye çûn û hatinê hêj zehmettir dike.
Welatîyên bi derfetên xwe ve rê û peyarêyên derdorê xwe paqij dikin û balê dikşînin li ser xebatên şaredariyan. Welatî li hemberî berfa maye li erdê û kolanên şemitok nerazîbûnên xwe anîn ziman.
