Hejmara kesên di encama êrîşên li Sydneyê de jiyana xwe ji dest da derket 16 kesan. Tedawiya 40 kesên birîndar jî berdewam dike. Di encama lêkolînê de derkete holê ku êrîşkar ji heman malbatê bav û kur in.
Hejmara kesên di êrîşa li Sydneyê li hemberî cejna cihûyan pêk hatî de jiyana xwe ji dest dayî derket 16 kesan û tedawiya 40 kesên birîndar jî berdewam dike. Lêpirsîna ji hêla polîsên Avustralyayê ve hatiye vekirîn berdewam dike. Li gorî agahiyên Navenda Polîsan a Sydneyê dayîn de li ser gelek îhtîmalan radiwestin. Heta duxuyandin ku di encama lêkolînên heta niha de derketiye holê her du êrîşkar bavek û û kurê wî ye. Ligel meşandina lêpirsîna ewlehiyê nîqaşên siyasî jî berdewam diken.
Gelek welatan êrîş şermezar kir
Heta niha gelek welatan ji malbatên qurbaniyan re sersaxî xwest in û komkujiî şermezar kirin. Serokwezîrê Avusturalyayê Anthony Albanes di daxuyaniyê ji duh heta niha ve kirîn de hem sersaxî ji malbatan re xwest û hem jî êrîş bi tundî şermezar kir. Almanese diyar kir ku piştî êrîşê dê zagonên derbarê xwedîbûna çekan de zagonên şidayîtir derbixin. Albanese diyar kir ku ji êrîşkaran yek xwediyê ruhseta çek hilgirtinê ye û wiha got: “Hikûmet amade ye ku hemû tedbîrên pêwist bigire. Di nav van tedbîran de zagonên ku girtina ruhseta çekan zehmet dike jî hene.”
Polîs li şopa DAÎŞê digere
Li gorî agahiyên çapemeniya Avusturalyayê polîsên vî welatî li şopa DAÎŞê ya li ser bûyerê digerin. Her wiha weşanga fermî ya Avusturalyayê ABCê jî li ser mijarê cih da nûçeyê û diyar kir ku serwêsa îstîxbaratê ya Avusturalyayê ev 6 sal in bi gumana ji kesekî êrîşkarê bûyerê endamê DAÎŞê ye lêkolînê dimeşîne. Li gorî agahiyên ji polîsan hatine girtin cenazeyê êrîşkar Sajîd Akram ku di dema bûyerê de hate kuştin li nexweşxaneyê tê girtin û tedawiya kurê wî Naveed Akram jî di bin çavdêriya polîsan de didome. Di nûçeya ABCê de hate daxuyandin ku ji 2019an heta niha Naveed Akram tê şopandin û têkiliya wî bi endamên din ên DAÎŞê re tê lêkolînkirin.
Netanyahu: Ev encama polîtîkaya hikûmeta Avusturalyayê ye
Serokwezîrê Îsraîlê Benjamîn Netanyahu jî li ser mijarê daxuyaniyek dabû û hikûmeta Avusturalyayê rexne kiribû. Netanyahu ev tişt gotibûn: “Hikûmeta Avusturalyayê bi nasîna dewleta Filistînê pêşiya van êrîşan vekiriye. Ev polîtîkayek derfetan dide êrîşkar û tundirawan." Netanyahu xwest ku hikûmeta Avsuturalyayê vê polîtîkaya xwe biguhere.”
