Di hevdîtina di navbera Wezîrê Karên Devrve yê Tirkiye Hakan Fîdan û hempîşeyê wî Abbas Arakçî de li Tehranê du roj berî niha pêk hatî de, Arakçî ragihand ku biryar dane li Wanê seferatxaneyê vekin. Hate zanîn ku her du wezîr li ser geşedanên li herêmê û bi taybetî hemleyên Îsraîlê di gelek mijaran de danûstandin kirine.
Wezîrê Karên Devrve yê Tirkiye Hakan Fîdan di çarçoveya hevdîtinên dîplomatîk de di 30yê Mijdarê de li Tehranê bi Wezîrê Karên Derve yê Îranê Abas Arakçî ve hate cem hev. Hate zanîn ku mijara sereke ya hevdîtinê siyaseta nû ya proaktîf a Îsraîlê bûye mijara sereke. Di daxuyaniya hevpar a Fîdan û Irakçî de mijara hate daxuyandin ku her du dewlet jî amadene ku têkiliyên di aliyê ewlehî û aboriyê de pêşve bibin. Wezîran diyar kir ku ji bo deriyên nû yên sînor, hêsankirina hatinûçûnê û riyên nû yên bazirganiyê dê bi hev re bixebitin. Wezîrê Îranê Arakçî anî ziman ku ji bo pêşxistina têkiliyan li Wanê sefaretxaneyek nû vekin.
Fîdan: Îsraîl tehdîda herî mezin e
Li gorî nûçeyên çapemeniya farsan; Fîdan û Arakçî herî zêde li ser talûkeya Îsraîlê û tedbîrên li dijî wê bên girtin, rawestiyan e. Fîdan di daxuyaniya hevpar de jî bal kişandibû ser mijarê û wiha gotibû: “Ji ber Îran û Tirkiyeyê gefa herî mezin li Rojhilata Navîn Îsraîl e. Rewşa Xezeyê, Libnan û Sûriyê polîtîkayên emperyal ên Îsraîlê baş radixin ber çavan.” Fîdan li dijî pêdankirinên li ser Îranê jî nerazîbûna Tirkiyeyê anî ziman û xwest ku ambargo bê rakirin. Her du wezîran diyar kir ku dê Konseya Hevkariyê ya Bilind a Îran-Tirkiyeyê di asta serokomaran de nêz de bicivînin.
