Li gorî The Times of Israelê du roj berî niha komek sivîlên îsraîlî bi wesayîtan derbasî aliyê Sûriyeyê bûn û hewl dan li du noqteyên cuda dest bi avakirina wargehên nû bikin.
Bi têkçûna rejîma Beşar Esad re gengaşiya di navbera Îsraîl û Sûriyeyê de berdewam dike. Li gorî hin çavkaniyan Îsraîl dixwaze wekî Filistînê li Sûriyeyê jî wargehên sivîlan ên nû ava bike. The Times of Îsraîlê di vî warî de nûçeyek gelek balkêş belav kir. Li gorî The Times of Israelê; du roj berî niha komek sivîlên îsraîlî bi wesayîtan derbasî aliyê Sûriyeyê bûn û hewil dan li du noqteyên cuda dest bi avakirina wargehên nû bikin. Li gorî nûçeyê koman li du noqteyan dest bi hewildana avakirina wargehan kirin lê artêşa Îsraîlê ev kom teqîb kirin û piştre vegerandin Îsraîlê. Li gorî çavkaniyên Artêşa Cihû jî komek Cihûyên sivîl li Çiyayê Hermonê (Beşî Şeyh) û komekê jî li gnudê Biîr Acem ê li Girên Golanê hewldan ku avahiyan çê bikin. Li gorî heman çavkaniyan her du koman têlên li ser sînor birîne û piştre jî bi wesayîtan derbasî Sûriyeyê bûn.
Di daxuyaniya Artêşa Îsraîlê de jî wiha hate gotin: “Yekîneyên artêşê di demek kin de bi lez xwe gihandiye her du noqteyan û bi sivîlan re ketiye têkiliyê. Artêşê xwestiye ku sivîl vegerin Îsraîlê lê hind sivîl li dijî vê derketine û bi yekîneyan re ketine pevçûna bi keviran.” Di daxuşaniyê de hate diyarkirin ku tevahiya sivîlan ji hêla artêşê ve ji Sûriyeyê hatine derxistin û vegeriyane Îsraîlê.
Koma sivîlan ku xwe wekî Başhan Pîoneers bi nav dike jî daxuyaniyek da. Di daxuyaniyê de wiha got: “Ji bo ku kontrolek baş li ser Başûrê Sûriyeyê bê avakirin û di pêşerojê de astengkirina pavekişandina ji vir divê gelê cihû li van deran wargehan ava bike.” Komê di daxuyaniyê de bang li hikûmeta Îsraîlê jî kir ku cihû amade ne li vê herêmê malan çê bikin û xwest ku destûr ji vê re bê dayîn. Li gorî hind çavkaniyan ev bûyer tenê hewildanên sivîlan nînin, ji hêla Îsraîlê re wekî peyam tên organîzekirin. Li gorî van çavkaniyan demek de di navbera Sûriye û Îsraîlê de nîqaşên peymanek nû heye û Îsraîl bi vê hewildanê dixwaze zextê li hikûmeta Ehmed Şara bike.”
