Heyeta DEM Partiyê ku ji Wekîlê Serokê Koma DEM Partiyê Sirri Sureyya Onder û Parlamentera DEM Partiyê Pervun Buldan pêk tê, di 28ê Kanûnê de çûn li Îmraliyê bi Rêberê PKKê Abdullah Ocalan re hevdîtin kirin û vegeriyan. Heyetê têkildarî hevdîtina duh daxuyanî dan û gotin: “Abdullah Ocalan diyar kir ku ji bo çareseriyê amade ye ku gavên erênî bavêje û got, ‘Ev hewldanên me tev ji bo welat bigîne asta ku heq dike ye. Ev hewldanên me dê di heman demê de ji bo guhertinek demokratik bibe rêberek giranbuha.”
Heyetê têkildarî naveroka hevdîtine ev agahî parve kirin: “Me di 28ê Kanûnê de li Girava Îmraliyê bi Birêz Abdullah Ocalan re hevdîtinek berfreh pêk anî. Tenduristiya wî û moralê wî pir baş bû. Nirxandinên wî yên der barê çareseriya pirsgirêka Kurd de pir bi qîmet û jiyanî bûn. Di hevdîtine de geşedanên li Rojhalat Navîn û Tirkiyeyê peşketin hatin nirxandin. Birêz Abdullah Ocalan, li dijî spartina listikên qirêj û tarî, pêşniyarên erênî yên çareseriyê pêşkêş kiriye.
Fikrên wî û nirxandinên wî wekî çarçoveya jêr e:
*Bi hêzkirina yekîtî û wekheviya gelê Kurd û Tirk berpirsiyariyek dîrokî ye. Bi qasî vê girîngiya dîrokî ew qas jî ji bo siberoja hemû gelan diyarker û lezgîn e.
* Ji bo serkeftina pêvajoyê divê hemû derdorên siyasî yên Tirkiyeyê, hesabên xwe yên biçûk û demkî dînin aliyekî û bibin xwedî înîsiyatif. Divê erêni tev bigerin û piştgiriyek erênî bidin pêvajoyê. Yek ji vê bingeha piştgiriyê bide jî Meclisa Millet a Tirkiyeyê (TBMM) ye.
* Geşedanên li Gazze û Suriyeyê nîşan daye ku bi mudaxaleyên derve yên ku dixwazin pirsgirêkan bikin pençeşer, pirsgirêk çareser nabe. Çareseriya vê pirsgirêkê êdî nayê taloqkirin. Divê bi vê zanîn û cîddîyetê bi xebatek rast û hevsengî, piştgiriya muxalefetê ji bo çareseriyê girîn e.
* Ez jî xwedî wê zanebûn û biryardariyê me ku ji hêla erênî ve piştgiriyê bidim paradîgmaya ku birêz Bahçelî û birêz Erdogan hêz didinê.
* Heyet dê vê nêzîkatiya min bi dewlet û derdorên siyasî re parve bike. Di vê çarçoveyê de ez amade me ku gavên erênî û pozitif bavêjim. Ez amade me ku bang bikim.
* Ev hemû hewldanên me, ew e ku em welêt bigînin asta ku tê xwestin. Di heman demê de ji bo guhertinek demokratîk dê bibe rêberek bi qîmet.
*Dem ji bo Tirkiye û herêmê dema aştî, demokrasî, wekhevî û xwişk û biratiyê ye.
