Şaredariya Bajêrê Mezin a Amedê û şaredariyên navçeyên navendî bi rasthatina 25ê Mijdarê li gelek xaçerêyan alên bi rengê mor yên hişyariya li dijî tundiya li ser jinan daliqand û Amed bi rengê mor hate xemilandin.
Li Amedê çalakî û xebatên bi rasthatina 25ê Mijdarê Roja Tekoşîna Li Dijî Tundiya Li Ser Jinan a Nawneteweyî berdewam dikin. Her roj û bi şev li gelek navçeyên Amedê çalakî tên lidarxistin. Şaredariya Bajêrê Mezin a Amedê û şaredariyên Sûr, Peyas, Rezan û Bajarê Nû jî bi minasebeta 25ê Mijdarê li gelek xaçerêyan bajêr alên hişyariya li dijî tundiya li ser jinan daliqandin. Li ser alên mor bi zimanê Kurdî û Tirkî dirûşm û nivîs hatine nivîsandin. Li ser alan dirûşma îsal a Tevgera Jinên Azad (TJA), “Ji bo jiyanekî azad û bêtundî gotina me ne qediya ye, em li dijî tundiyê têbikoşin” hatiye nivîsandin.
