Hêzên Parêzvanên Niştîmanî yên Siwêdayê ragihand ku hêzên hikûmeta demkî yê Sûriyeyê êrîşî taxên niştecihên Siwêdayê kir, zarokek jî di nav de 2 kes birîndar bûn.
Hêzên Parêzvanên Niştîmanî yên Siwêdayê bi daxuyaniyekê binpêkirineke nû ya peymana agirbestê ku berêvara îro ji hêla hêzên hikûmeta demkî ya Sûriyeyê ve hatiye kirin, aşkere kir.
Di daxuyaniyê de hat gotin ku hêzên hikûmeta demkî bi çekên doçka avahiyên niştecihan yên li taxên bajarê Siwêdayê hedef girtin, di encamê de zarokek di nav de 2 kes birîndar bûn. Hate ragihandin dayîkek û zaroka xwe birîndar bûye.
Di dewama daxuyaniyê de hat destnîşankirin yekîneyên ji Hêzên Parêzvanên Niştîmanî vê sibehê li beşa bakurê Siwêdayê droneke xwekuj a bombebarkirî xist xwarê. Ev dron ji bo hedefgirtina avahiyan hatibû şandin. Lê hêzan li nava zeviyekê xistin û tu zirar nebûn.
Li gorî daxuyaniyê ev rageşî bi hewla sîstematîk a têkbirina ewlehiyê El Cebel e û hat diyarkirin ku hêzên wan amade ne û dê li hember her gefekê bisekinin û bersivê bidin.
Li gorî nûçeya ANHA’yê jî, zarokê bi navê Zên Kînan Ebû Fexir (4), dayîka wî Elîs Mazin Bedriye (26) di êrişê de birîndar bûne û rakirin nexweşxaneyê.
