Konferansa Dayikên Aştiyê di roja duyemîn de bi gerandina govendê û nirxandinên li ser pêvajoyê dest pê kir. Konferans dê êvarê bi encamnameyekê bi dawî bibe.
Konferansa Dayikên Aştiyê ya 3yemîn a bi dirûşma “Dayik pêşengên civaka demokratîk û aştiyek mayînde ne” ku duh dest pê kir, îro dê bidome û bi encamnameyekê bi dawî bibe. Konferans li Eywana Sînemayê ya ÇandAmedê tê lidarixstin. Dayik piştî 12 salan li hev civiyan û konferansek bi vî rengî li dar dixin.
Ji hemû bajarên bakurê Kurdistanê û gelek bajarên Tirkiyeyê Dayikên Aştiyê tev li konferansê bûn e. Dayik li eywanê civiyan û beriya bername dest pê bike li ber stranan govend gerandin û dirûşm berz kirin.
Piştî govendê dayikan dest bi nirxandinan kirin. Dayikên Aştiyê di çarçoveya azadiya fizîkî ya Rêberê Gelê Kurd Abdullah Ocalan, pêvajoya avakirina civaka demokratîk û aştiyê de nirxandin û pêşniyaran dikin.
Dayik dê piştî nirxandinan û pêşniyaran li ber ÇandAmedê bi xwendina encamnameyekê konferansê bi dawî bikin.
