Festîvala Belgefîlman a FîlmAmedê ya 9emîn di roja çaremîn de jî bi fîlmên cûr bi cûr berdewam kir û di dawiya şeva çaran fîlmê “YÎBOyê” hate nîşandan. Derhênerên fîlmî Şukran Demîr û Ozgur Unal destnîşan kirin ku li “YÎBOyan” zarokên Kurdan hatin asîmîlekirin.
Festîvala Belgefîlman a FîlmAmedê ya 9emîn îsal bi tema û dirûşma “Reh… Li dora agir rastiyên efsûnî…” tê lidarxistin. Festîvala ku îro di roja çaremîn de ye bi nîşandana fîlmên cûr bi cûr û lidarxistina panele berdewam kir. Festîvalê îro li eywana Çand Amedê bi panela “Di Sînemeya Belgefîlman de mînakên etîk ên nimandinên zayenda civakî” dest bi bernameya xwe ya kir.
Di nava rojê de li eywanên sînemayê yên Çand Amedê bi rêzê fîlmên “Fîlmeke Fedaî” ku derhêneriya wî Kalam Aljafarî dike, “Firîngî Îsot Depresyon” ku derhêneriya wê Aybuka Avci dike, “Rengê Kevir” ku derhêneriya wê Tûgba Yaşar dike, “Di navbera Nazikî û Tundiyê de” ku derhêneriya wê Şîrîn Bahar Demîrel dike, “36” ku derhêneriya wî Rêzan Mîr Ûgûrlû dike , “Aşkere Veşarî: Antolojiyeke (Xwe) Sansurê” ku derhêneriya wî Firat Yucel, Erhan Ors, Hakan Bozyûrt, Can Memîş, Sîbîl Çekmen, Nadîr Sonmez, Serra Akcan, Belît Sag dikin, “Wek Bayê Bê Ax” ku derhêneriya wî Borhan Ahmedî dike, “Kerboran” ku derhêneriya wê Berke Baş dike û “Sirgûn qet naqede” ku derhêneriya wê Bahar Bektaş dike hatin nîşandan.
Gelek fîlm hatin nîşandan
Li eywana Şanoya Bajêr a Amedê jî fîlmên “Ezda” ku derhêneriya wê Halîme Akturk dike, “Mala Min a Şîrîn Edene” ku derhêneriya wê Nagehan Ûskan kir, “Stêrka Li Ser Xetê” ku derhêneriya wê Bêrîvan Sarûhan dike û “Bîra Sûrê” ku derhêneriya wî Azad Altay kir hatin nîşandan.
Fîlmê “YÎBO”
Dawiya rojê jî fîlmê “YÎBO” ku derhêneriya wê Şukran Demîr û Ozgur Unal dikin hate nîşandan. Dibistanên Seretayî yên Herêmî yên Leylî (YÎBO) di sala 1962yan de bi awayekî fermî hatin damezrandin ku ji bo zarokên zarokên li herêmên çiyayî û belav ku nikarin xwe bigihînin perwerdehiyê, xwe bigihînin perwerdehiyê. YÎBO belgefîlmeke ku li ser şahidiyên xwendekarên di navbera salên 1962 û 2010an de li bajarên cuda li van dibistanan xwendine hatiye çêkirin. Ceribandinên ku di belgefîlmê de têne vegotin ku ji dîmenên arşîvî û dîmenên YÎBOyên terikandî pêk tê armanc dike ku bi aşkerekirina newekhevî, polîtîkayên asîmîlasyonê û dîsîplîna leşkerî ya ku zarok ê re rû bi rû dimînin beşdarî bîra kolektîf dibe.
‘Zarokên Kurdan li van dibistanan hatin asîmîlekirin’
Bi sedan kesan fîlm temaşekirin. Piştî nîşandana fîlm derhênerên fîlmî Şukran Demîr û Ozgur Unal axaftineke kurt kirin. Şukran Demîr, qala armanca avakirina YÎBOyan kir û wiha got: “Em dizanin ku li Kurdistanê zarokan Kurdan li van dibistanan hatin asîmîlekirin, polîtîkayên dewletê yên asîmîlasyonê li ser van zarokan hatin meşandin. Mijareke girîng e.” Ozgur Unal jî qala pêvajoya avakirina YÎBOyan kir û diyar kir ku xwestin bi fîlmî polîtîkayên asîmîlasyonê yên li dijî gelê Kurd bidin nîşandan.
Piştî axaftinan beşdaran ji derhêneran çend pirs pirsîn û derhêneran jî bersivandin.
