Di 23 mehên dawî yên şerê li Xezayê de 31 jinên rojnameger hatin kuştin. Sendîkaya Rojnamevanên Filistînî, rapor aşkere kir û diyar kir ku ji 7ê Cotmeha 2023yan heya niha 31 rojnamegerên jin hatine kuştin.
Komîteya Azadiyan a Sendîkaya Rojnamevanên Filistînî têkildarî şerê di 7ê cotmeha 2023an de di navbera Îsrail û Filistinê de dest pêkir de herî kêm 31 rojnamegerên jin hatine kuştin.
Sendîkaya Rojnamegeran di raporê de anî ziman ku di navbera 7ê Cotmeha 2023an û 9ê Îlona 2025an de li Xezzeyê 31 rojnamevanên jin hatine kuştin. Gelek çalakvanên medyayê yên jin ên li ser medyaya civakî jî rastî êrîşê hatine û wiha cih da raporê: “Gelek rojnameger hatin kuştin. Hinek jê li kolanê û hinek ji wan li malên xwe hatin kuştin. Ev êrîş sûcên şer û sûcên li dijî mirovahiyê ne. Rojnaemgerên hatin kuştin ji sedî 85ê wan ligel hevjîn, zarok û dê û bavên xwe hatin kuştin.
Sendîkayê da zanîn ku piraniya rojnamevanên hatine kuştin jinên ciwan in û di navbera 20 û 35 salî de in. Rapor destnîşan dike ku rojnamevan li ser mijarên têkildarî jin û zarokan, birîndaran û koçberan rapor dikin. Ji ber vê yekê, hedefgirtina wan bi bandor aliyê mirovî yê nedîtî dihêle. Armancgirtina rojnamevanên ku ji bo dezgehên medyayê yên navneteweyî dixebitin peyamek eşkere ya tehdîdkar ji bo rojnamevanên din vedihewîne: ragihandina rastiyê dikare bibe sedema mirinê.
Ji sendîkayê bang
Sendîka ji bo rojnamevanên jin cîhên xebatê yên ewle, piştgirî ji bo malbatên rojnamevanên ku hatine kuştin, birîndar bûne an jî hatine girtin dixwaze. Sendîka ji bo hesabpirsîna li dijî Îsraîlê jî bang dike. Sendîka tekez dike ku pêwîst e rojnamevan wekî şahidên rastiyê werin parastin.
