Berdana Sadik Hasan ê ku 30 sal in girtî ye û niha li Girtîgeha Hejmar 1 a bi Ewlekariya Bilind a Tekîrdagê tê ragirtin, du car in taloq dikin.
Berdana Sadik Hasan ê 30 salin girtî ye û niha li Girtîgeha Hejmar 1 a bi Ewlekariya Bilind a Tekîrdagê tê ragirtin, du carin taloq dikin. Lijneya Îdare û Çavdêriyê du car in berdana Sadik Hasan dirêj dike. Sadik Hasan di 17ê Çileya 1995an de hate girtin. Piştî darazê di 24ê Hezîrana 1999an de cezayê muebbedê xwar. Lijne, di 8ê Çile de têkildarî berdana Sadik Hasan ê ku cezayê xwe di 9ê Çile de xilas kiribû, civîya. Lijneyê, bi hinceta ku Sadik Hasan ferzkirina poşmaniyê qebûl nekiriye, tehliyeya wî bo 6 mehan taloq kir. Piştî 6 mehan, lijne di 8ê Tîrmehê de careke din kom bû. Lijneyê raporên ku îdareya girtîgehê têkildarî Hasan de nivisîbû nirxand û biryara “başhaliyê” da.
Du caran girtina wî dirêj kirin
Lijneyê, serî li îfadeya Hasan da ji ber nepoşmaniya Hasan bo 3 mehan tehliyeya wî taloq kir. Lijne, ji bo nirxandina rewşa Sadik Hasan dê di 9ê Cotmehê de kom bibe.
‘Biryar li dijî destûrê ye’
Sadik Hasan, astengkirina tehliyeya xwe ji endama Komîsyona Lêpirsîna Mafên Mirovan a Meclîsê (ÎHÎK) ya DEM Partiyê Newroz Uysal Aslanê re ragihand. Newroz Uysal Aslan, têkildarî rewşê serî li ÎHÎKê da. Newroz Uysal Aslanê di serlêdanê de wiha diyar kir: “Qebûlkirina sûc li ser Sadik Hasan tê ferzkirin. Bi vî rengî azadiya wî tê astengkirin. Ev yek binpêkirina mafê daraza adil a destûra bîngehîn e. Beyî delileke şênber, lijne ‘ji ber têkêliya xwe qut nekiriye’ başhaliya girtî tune dihesibîne û ji nû ve ceza dike.
Newroz Uysal Aslanê, xwest ku ÎHÎK rewşê binirxîne û bersiva serlêdanê bide, bi daxwaza bersivdayîna Wezîrê Dadê Yilmaz Tunç, bo Serokatiya Meclisê pêşniyarpirs kir.
