Civînên gel ên ji bo Aştî û Civaka Demokratîk pêk tên li Şirnex û navçe û gundên wê bi tevilbûna sedan welatiyan didomin.
Li gundê Nêhrîbê û taxa Cûdî ya Cizîrê, bajaroka Erebanê ya Hezex û taxa Bahçelîevler a Şirnex bi tevlîbûna parlementer, endamên DEM Partî, DBPê, aktîvîstên TJAyê û sedan welatiyan civînên gel ên Aştî û Civaka Demokratîk berdewam dikin.
Şirnex
Partiya Herêmên Demokratîk (DBP) û Partiya Wekhevî û Demokrasiyê ya Gelan (DEM Partî) û Tevgera Jinên Azad (TJA) li Şirnex, navçeyên wê tekildarî banga Aştî û Civaka Demokratîk a Rêberê Gelê Kurd Abdullah Ocalan “Civînên Aştî û Civaka Demokratîk” didomînin. Îşev jî li taxa Bahçelîevler a navenda Şirnexê bi tevlîbûna Berdevka DBPê ya Jinê Berîvan Bahçecî, Rêveberê Saziya Çand û Ziman a Birca Belek Cahît Akil, Hevseroka navçeya nwvendî ya DEM Partiyê Esma Erener û bi dehan welatî tevlî civînê bûn. Piştî rêzgirtina ji bo cangoriyên azadiyê nivîsa Rêberê Gelê Kurd Abdullah Ocalan a li ser pêvajoyê û avakirina Civaka Demokratîk hat xwendin. Piştî xwendina nivîsê Berdevka Jinê ya DBPê Berîvan Bahçecî got ku gelê Kurd tu dem baweriya xwe bi dewletê neaniye ji ber ku gelê me gelek caran hatiye xapandin. Lê îro em bi Rêbertiya xwe bawer in. Ji ber ku Rêberê Gelê Kurd Abdullah Ocalan bi xwe û gelê xwe bawer e.
Hezex
Tevgera Jinên Azad (TJA), Partiya Herêmên Demokratîk (DBP) û Partiya Wekhevî û Demokrasiyê ya Gelan (DEM Partî) di çerçoveya, “Civîna Aştî û Civaka Demokratîk” de li bajarokê Erebanaê ya navçeya Hezex a Şirnexê civîna gel li darxist. Parlamentera DEM Partî ya Şirnexê Newroz Uysal Aslan, Endamê Meclîsa DEM Partiyê Ahmet Îstek û gelek weşwtî tevlî civînê bûn.
Civîn ji bo cangoriyên demokrasî û azadiyê bi deqîqeyeke rêzgirtinê destpêkir. Piştî rêzgirtinê endamê meclîsa DEM Partiyê Ahmet Îstek axivî û destnîşankir ku wan bi dîtina dimenê Rêberê Gelê Kurd Abdullah Ocalan dest bi rojê kirinê û wê yekê ji bo hemû gel kelecaniyek çêkiriyê. Piştrê jî peyama Abdullah Öcalan a îro ji raya giştî re bi dimen hatibû parvekirin hat xwendin. Piştî xwendina nivîsê hemû welatî rabûn ser pêyan û çepikan dan.
Piştî xwendina peyamê Parlamentera DEM Parti Newroz Uysal Aslan li ser peyam û pêvajoyê nirxandin kir. Piştî axaftinan welatiyên tevlî civînê bibûbûn pirsên meraq dikirin pirsîn û civîn bi nirxandinên li ser pêvajoyê bi dawî bû.
Cizîr
Li taxa Cûdî ya Cizîrê bi tevlîbûna Aktîvîsta TJAyê Adalet Fîdan, Hevserokê DEM Partiyê Yilmaz Sanri û dehan welatî tevlî Civînê bûn. Civînê bi rêzgirtina ji bo cangoriyên azadiyê destpê kir. Piştî rêzgirtinê nivîsa Rêberê Gelê Kurd Abdullah Ocalan hate xwendin û piştî xwendinê aktîvîsta TJAyê Adalet Fîdan li ser pêvajoyê nirxandin kirin. Civîn bi pirsên gel û bersivandinê bi dawî bû.
