DMMEyê biryar da ku girtîbûna Hevserokê Giştî yê berê yê HDPê Selahattîn Demîrtaş, armancek siyasî ye û car din Tirkiye mehkûm kir.
Dadgeha Mafên Mirovan a Ewropayê (DMME) carek din derbarê Hevserokê Giştî yê HDPê yê berê Selahattîn Demîrtaş de biryara xwe eşkere kir. Dadgehê diyar kir ku Tirkiyeyê azadiya îfadeyê ya Demîrtaş binpê kiriye û ev girtîbûn armanc dike ku nîqaşa siyasî bi sînor bike.
Li gorî nûçeya ANFê; DMMEyê di vê biryara xwe ya dawî de, girtîbûna Demîrtaş a di navbera mahkumiyeta Îlona 2019an û 2024an de lêkolîn kir. Dadgehê berê jî ji ber girtîbûna wî ya di navbera 2016-2019an de Tirkiye mehkûm kiribû û daxwaza berdana Demîtaş kiribû. Lê belê Serokkomar Erdogan nerazîbûneke tund nîşanî vê biryarê dabû.
55 hezar Euro tazmînat
Dadgehê hikûm da Tirkiyeyê ku 35.000 Euro tazmînata manewî bide Selahattîn Demîrtaş û 20.000 euro mesrefa dadgehê bide.
Demîrtaş ji Mijdara 2016an ve li Girtîgeha Edîrneyê dîl tê girtin. Sala 2024an di doza li Enqereyê de 42 sal cezayê hepsê lê hatibû birîn. Di nava sûcdariyên li ser wî de, banga ji bo tevlîbûna xwepêşandanên ji bo piştgiriya berxwedana li Kobanê ya li dijî DAIŞê jî heye.
