Rêxistina DBP û DEM Partiyê têkildarî binçavkirinên dawî yên li Wanê daxuyanî dan û diyar kirin ku binçavkirin nêzîkatiyek komploger e û gefan li aştiya civakî dixwe.
Rêxistinên DBP û DEM Partiyê bi boneya binçavkirina Hevserokê Konseya Bajêr a girêdayî Şaredariya Bajarê Mezin a Wanê Fîkret Dogan û Mûstafa Doner û Hevserokê DBPê yê berê Harûn Okay ên ji ber girtina Şaredarê Esenyûrtê Ahmet Ozer şermezar kirin hatin binçavkirin, li pêş avahiya DEM Partiyê ya Wanê çalakî li dar xistin. Di çalakiyê de endam û nûnerên DEM Partî, DBP, TJA û gelek welatî beşdarî daxuyaniyê bûn.
Rêveberê DEM Partiyê ya Wanê Serdar Bozkûrt daxuyanî xwend û wiha got: “Desthilatdariya AKP-MHPê li aliyekî behsa aştiya navxweyî dike. Li aliyê din jî bi dozên komployên siyasî, darizandinên derqanûnî û tayînkirina qeyûman didomîne.”
Serdar Bozkûrt diyar kir ku ev nêzîkatiya komploger gefê hem aştiya navxweyî û hem jî aştiya civakî dixwe û got: “Di çarçoveya binçavkirinên duh de, nişana dozeke nû ya komploya siyasî dan. Ji ber feraseta çapemeniya alîgir tevî ku çend meh derbas bûn jî sedemên desteserkirina qeyûman a li ser Şaredariya Esenyurtê nehat dîtin, ev komplo pêk hat.”
Serdar Bozkûrt êrîşên li dijî kesên ku têkoşîna siyasî ya demokratîk dimeşîne tênd kirin şermezar kir û wiha berdewam kir: “Ev dozên binçavkirin û komployên desthilata AKPê bingehek hiqûqî nîne. Hemû çalakiyên hevalên me çalakiyên zelal in ku di çarçoveya xebatên partiyên siyasî de tên kirin. Divê hemû hevalên me yên di çarçoveya vê komploya siyasî de hatin binçavkirin, di serî de hevrêyên me Fîkret Dogan û Harûn Okay bêne berdan.”
