Derket holê ku zilamekî bi navê Yusuf Acar li Şirnexê destdirêjiya cinsî li nêzîkî 12 zarokan kiriye. Welatiyên Şirnexê ku ji bûyerê agahdar bûn derketin kolanan û bi meşeke girseyî bertek nişanî destdirêjayiyê dan.
Hat hînbûn ku zilamekî bi navê Yusuf Acar li Şirnexê destdirêjiya cinsî li nêzîkî 12 zarokan kir. Piştî ku zarokan ji malbatên xwe re qala bûyerê kirine derket holê. Hat gotin ku bûyer 6 meh berê qewimiye, gelek zarokan ji ber tirsê neaxivîne. Piştî ku di demên cûda de li ser zarokên din destdirêjiya cinsî kirine, rewşa zarokên xwe ji malbatên xwe re gotine.
Gelê Şirnexê ku ji bûyerê agahdar bûne, derketin kolanan û bi dirûşmeya “Destên ku digihîjin zarokan bişkînin” meşiyan.
Piştî gilîkirinê Yusuf Acar hat binçavkirin û piştre jî hat girtin.
