Tora Mafên Mirovan a Kurdistanê ragihand ku leşkerên Îranê 3 roj berê kolberekî Kurd birîndar kiribû û îro li nexweşxaneyê jiyana xwe ji dest da. Leşkerên Îrane di 6 melên ewila salê de 142 kolber kuştin.
Tora Mafên Mirovan a Kurdistanê derbarê kolberekî Kurd ku 3 roj berê leşkerên Îranê ew birîndar kiribû û îro jiyana xwe ji dest da, daxuyani da. Tora Mafên Mirovan di daxuyaniyê de anî ziman ku, leşkerên Îranê 3 roj berê kolberê Kurd Meseb Sebzewarî yê ji gundê Qişlaxê yê Rewanserê ya bajarê Kirmaşanê birîndar kiribû. Tora Mafên Mirovan anî ziman ku kolber Meseb Zebzewarî piştî sê rojan li nexweşxaneyê ma, ji ber giraniya birîna xwe jiyana xwe ji dest da. Torê destnîşan kir ku Meseb Sebzewarî roja çarşemê ya borî li sînorê Newsûdê bi teqeya rasterast a hêzên çekdar yên Îranê ser û çavên wî bi giranî birîndar bû. Paşê ji bo wergirtina tedawiyê rakirin nexweşxaneyê.
Li gorî daneyên Kolbernewsê, di şeş mehên ewil ên 2024an de, 142 kolber li herêmên sînorî û rêyên di navbera Ûrmiye û Kirmaşanê bi teqeya rasterast a hêzên çekdar yên Îranê, seqem, serma, ketina ser mayînan, ketina ji çiya, bilindahiyan û bûyerên din hatin qetilkirin an jî jiyana xwe ji dest dan. Ji van kolberên jiyana xwe ji dest dane 10 koçber ji wan zarok bûn.
