Enqerê – Birayê yek ji berxwedêrên zindana Amedê Alî Temel Weysî Temel ku bi damezrîner û pêşengê PKKê Riza Altûn re di girtîgehê de mabû, anî ziman ku Riza Altun di girtîgehê de jî girtî bi rêxistin kirin û got: “Dema min şehadeta Alî Haydar Kaytan û Riza Altûn bihîst pir xemgîn bûm. Wan ji bo gelê Kurd li berxwe dan.”
Partiya Karkerên Kurdistan (PKK), di 12ê Gulanê de encama kongreya xwe ya 12emîn eşkere kir. Rragihand ku xwe fesix kiriye. Her wiha di kongrê de şehadeta damezrîner û pêşengên PKKê Alî Haydar Kaytan û Riza Altun jî ragihandin. Kongre diyarî Alî Haydar Kaytan û Riza Altun kirin. Piştî eşkerekirina şehadeta Alî Haydar Kaytan û Riza Altûn li gelek bajarên bakurê Kurdistanê û Tirkiyeyê bernameya bîranînê tên lidarxistin. Yek jî ji cihê bernameya bîranînê hatiyê li darxistin taxa Tûzlûçayira navçeya Mamakê ya Enqerê ku Riza Altun lê mezin bûye, ye. Bernameya Bîranînê ku li mala Riza Altûn lê dayik bû ye tê li darxistin gelek kes serdan dikin û sersaxiyê ji malbatan re dixwazin. Serdan ji aliye xwîşkên Riza Altûn Bêzar Yildirim, Nurhayat Altûn û xwîşka Alî Haydar Kaytan vê tên qebûl kirin. Ji kesên tevlî bernameya bîranînê bûn birayê yek jî berxwederên zindana Amedê Alî Temel Weysî Temel bû. Weysî Temel ku di Girtîgeha Amedê de Riza Altûn naskiriyê ji Ajansa Welat (AW) re axivî.
Di girtîgehê Amedê de rastî îşkence hat
Weysî Temel bi lêv kir ku ew jî bi birayê xwe Alî Temel ve di girtîgeha Amedê de ma û ev tişt anî ziman: “Min di 1977an de Tevgera Apoyî naskir. Birayê min Alî Temel û diya min hatin binçavkirin. Piştrê jî ez binçav kirim. Di girtîgehê de ez birayê min Alî Temel û Riza Altûn bi hev rê man. Li girtîgehê gelek îşkence li me kirin. Di girtîha Amedê de Esat Oktay Yildiran gelek zilm li girtiyan dikir. Helbet li dijî wê berxwedaneke mezin jî hebû. Ez, birayê min Alî Temel û Alî Riza ALtun bi hev rê bûn. Ez 5 sal an di girtîgehê de mam.”
Min li girtîgehê Riza Altûn nas kir
Di berdewama axaftina xwe de Weysî Temel diyar kir ku wî di girtîgehê de Riza Altûn naskiriye û wiha qal kir: “Nasîna min a Riza Altûn jî di girtîgehê de dest pê kir. Riza Altûn jî di girtîgehê de bû. Girtî rêxistin dikir. Ez 15 rojan di qawişa Riza Altûn de mam. Me bi hev rê sohbet dikirin. Li ser girtîgehê û rêveberiya wir bi me re diaxivî û em hişyar dikirin. Birayê min Alî Temel û gelek hevalên me jî çûn şehedatê. Lê ya Riza Altûn bi ser hemûyan re bû. Ji ber ku me bi hev rê heman îşkencê û eziyet dîtibû. Me bi hev re li berxwedabû. Dema min şehadeta Alî Haydar Kaytan û Riza Altûn bihîst ez şaş mam. Pir xemgîn bûm. Min nekarî bawer bike. Wan ji bo gelê Kurd li berxwe dan û têkoşiyan.”
Divê dewlet jî gavan baveje
Di dawiya axaftina xwe de Weysî Temel balkişand ser biryara feshê ya PKKê û got ku divê dewlet jî gavan baveje. Weysî Temel destnîşan kir ku gava yekem ew ê ku Rêberê Gelê Kurd Abdullah Ocalan bê berdan û axaftina xwe wiha qedand: “Em dixwazin aştî pêk were û pêvajo bi serbikevê. Divê dewlet jî gavan bavejê. Divê Serok Apo derbikeve ku aştî hê zûtir pêk were. Helbet dema derket jî divê ewlehiya wî jî pêk bînin. Her wiha bi sedan girtiyên nexweş hene divê hemû girtiyên nexweş bên berdan. Divê mafê perwerdehiya zimanê Kurdî û nasnameya Kurd bê qebûlkirin. Ji bo pêvajo bigehêjê serî û aştî pêk were dewlet jî van gavan baveje.”
