Kampanya ‘Ji Werîşe Muradî re azadî’ xwest ku girtiya siyasî Hura Nîkbext a 11 rojin li girtîgeha Evînê li dijî zêdebûna cezayên darvekirinê di greva birçîbûnê deye, dawî li çalakiya xwe bîne. Kampanyayê got: “Dengê te hat bihîstin. We carek din mijara darvekirinan xist rojeva raya giştî.”
Kampanya ‘Ji Werîşe Muradî re azadî’bi daxuyaniyekê ji girtiya siyasî Hura Nîkbext a ku 11 rojin li girtîgeha Evînê li dijî zêdebûna cezayên darvekirinê di greva birçîbûnê deye xwest ku dawî li çalakiya xwe bîne. Kampanyayê wiha got: “Dengê te hat bihîstin, daxwaz ji te dikînk u di vê dema hestiyar de dawî li çalakiya xwe ya greva birçîbûnê bînî û jiyana te rizgar bibe. Da ku mil bi milê me di berxwedan û xebatê de berdewam bî. Parastina we îlham bexşe.”
Kampanyayê di dewamê de diyar kir ku Hura Nîkbext bi vê biryara xwe ya bi cesaret bedena xwe ji bo parastinê xist mertal û got: “Ji hemû kesê zêdetir karî şer li dijî van kiryaran bikî. Çalakiya we dengvedanek berfireh bi xwere anî û carek din mijara cezayên darvekirinê xist rojeva raya giştî.”
Mamostaya Zanîngehê piştî di 13ê Hezîrana 2024an de ji bo liqa 3 ya Dadgeha Giştî ya Evîn hate vexwendin, hate binçavkirin û şandin girtîgeha Evînê. Di Tebaxa 2024an de liqa 26 ya Dadgeha Şoreşê ya Tehranê bi tometa ‘propagandaya dijî dewletê, heqareta beramberî rêberê olî yê bilind ê Îranê’ bi salek cezayê girtîgehê hate mehkûmkirin. Di heman demê de nexweşiya penceşêra rehmê bi Hura Nîkbext re heye.
