Hevserokê Giştî yê DEM Partiyê û Hevserokên Giştî yên DBPê serdana nexweşxaneya ku Sirri Sureyya Onder lê têdawî dibe, kirin.
Endamê Şandeya Partiya Wekhevî û Demokrasiyê ya Gelan (DEM Part) a Îmraliyê Sirri Sureyya Onder 16 roj in li nexweşxaneya Florence Nightingale ji ber krîza dil derbas kiribû, tê tedawîkirin. Parlamenterên DEM Partî jî li nexweşxaneyê mêvanên ku tên serdanê pêşwazî dikin. Endama Şandeya Îmraliyê ya DEM Partiyê Pervîn Buldan, Serokwekîlên Koma DEM Partiyê Gulistan Kiliç Koçyîgît, Sezaî Temelî û parlamenterên DEM Partiyê, birayê Sirri Sureyya Onder, Alî Onder li nexweşxaneyê ne û pêşwazî li mêvanan dikin. Îro jî Hevserokê Giştî yê DEM Partiyê Tuncer Bakirhan ewilî serdana nexweşxaneyê kir. Piştre jî Hevserokên Giştî yên DBPê Çîgdem Kiliçgun Uçar û Keskîn Bayindir jî serdana nexweşxaneyê kirin û li rewşa Onder pirsîn.
Wezîrê Dadê yê berê Mehmet Seyfî Oktay, parlamenterên CHPê Sezgîn Tanrikulu, parazvanên mafên mirovan û gelek kesan serdana nexweşxaneyê kir û derbarê rewşa Sirri Sureyya Onder de agahî wergirtin. Parlamenterên DEM Partiyê yên li nexweşxaneyê ne, derbarê rewşa Sirri Sureyya Onder de agahî dan û diyar kirin ku rewş stabil e û hê jî tu guhertin tune ye.
