Serokê Giştî yê CHPê Ozgur Ozel serdana nexweşxaneya ku Sirri Sureyya Onder lê tedawî dibe kir. Ozgur Ozel bi Hevserokên Giştî yên DEM Partî û bijîşkê Sirri Sureyya Onder re hevdîtin kir. Bijîşkan diyar kirin ku di rewşa Sirri Sureyya Onder de başbûnek heye.
Serokê Giştî yê CHPê Ozgur Ozel serdana nexweşxaneya ku endamê Şandeya DEM Partî ya Îmraliyê û Serokvekîle Meclîse Sirri Sureyya Onder tedawî dibe kir. Ozgur Ozel li nexweşxaneyê bi Hevserokên Giştî yên DEM Partî Tulay Hatimogullari, Tuncer Bakirhan û bijîşkê Sirri Sureyya Onder ameliyat kiribû re hevdîtin kir û derbarê rewşa Sirri Sureya Onder de agahî girt. Ozgur Ozel di hevdîtinê de bi lêv kir ku ew ji ber rewşa Sirri Sureyya Onder pir bi fikar in û wiha got:”Sirri Sureyya Onder ji bo aştî û demokrasiyê têdikoşiya. Di parlamento û siyasetê de merivekî pir baş bû. Em gelek jê hez dikin. Em hevî dikin ku di demeke pêş de rewşa tendûristiya wî baş bibe.”
Bijîşkê Sirri Sureyya Onder jî diyar kir ku di rewşa Sirri Sureyya Onder de başbûnek heye û got: “Di fonksîyonên wî de başbûn hene û hewl dide behne bigire û îdrara wî jî tê. Bijîşk destnîşan kir ku ew geşedaneke erenî ye. Bijîşk her wiha bi lêv kir ku milê rastê ya dilê Sirri Sureyya Onder hê jî naxebitiyê û kêlî bi kêlî rewşê dişopînin.
