Rêberê Gelê Kurd Abdullah Ocalan peyamek ji ciwanên ku 3 roj in ji Amedê ber bi Amarayê ve dimeşin peyam şand. Abdullah Ocalan ciwan silav kir û got: “Li her derê pêwiste hûn xwe bi rêxistin bikin û her derê jî bi rêxistin bikin.”
Meclisa Ciwanan a DEM Partiyê di 1ê Nîsanê de ji Qada Şêx Seîd a Amedê derketin rê û piştî meşa 3 rojan îro gihiştin navçeya Xalfetiyê. Ciwanan bi şiyara “Bi civaka demokratîk em ber bi azadiyê ve dimeşin” astengî derbas kirin û ketin navçeya Xalfetiyê. Ciwanên li vir beşdarî mihrîcana 4ê Nîsanê bûn û peyama Rêberê Gelê Kurd Abdullah Ocalan xwendin. Dema xwendina peyamê de ciwanan dirûşmên “Bijî Serok Apo” , “Şehîd namirin” û “Ciwan fedayiyên Serok Apo ne” berz kirin. Bi kurdî Lorîn Aryen bi tirkî jî Omer Gorunmek xwend. Piştî xwendinê coş û kelecana ciwanan û girseyê zêde bû. Peyama Rêberê Gelê Kurd Abdullah Ocalan ku ji ciwanan re şandiye wiha ye:
“Meha Nîsanê ji bo min Ronesansek e. Zayînek ji nû ve ye. Meşa ciwanan, meşa ber bi azadiyê ve ye. Meşandina ber bi azadiyê ve, bi wate ye. Ez diçûm ku min xwe bi rêxistin dikir. Gava ez diçûm dibistanê komek min a ku bi min re tevdigeriya hebû. Civakbûyîn bi vî awayî çêdibe. Ji zaroktiya xwe heya niha ez vî tiştî dikim. Sosyalîzm, civak e. Civaktî ye. Sosyalîstî jî civakbûyîn e. Li Kurdîstanê jî pêwîste bi vê têgihiştinê siyaset bê kirin. Navê wê siyaseta civakî û sosyalîst e. Ev jî bi rêxistinkirinê dibe. Rêxistinî, karê herî girîng e. Heger hûn nekin, ez ê bi tunî rexne bikim. Ji bo wê (jî) li her derê pêwiste hûn xwe rêxistin bikin. Her derê (jî) rêxistin bikin.
Piştgiriya xebatên we dikim, silavên xwe ji we re dişînim.
Abdullah Ocalan
31.03.2025”
