Meşvanên Amarayê ku ji Endamên Meclîsa Ciwanan a DEM Partiyê pêk tên û bi dirûşma “Bi civaka demokratîk em ber bi azadiyê ve dimeşin” ji Amedê ber bi Amarayê ve dest bi meşê kirin, gihiştin Sêweregê.
Meclisa Ciwanan a DEM Partiyê bi minasebeta 4ê Nîsanê roja rojbûna Rêberê Gelê Kurd Abdullah Ocalan bi dirûşma “Bi civaka demokratîk em ber bi azadiyê ve dimeşin” li Qada Şêx Seîd a Amedê daxuyanî dan û dest bi Meşa Amarayê kirin. Di meşê de Parlamenterên DEM Partiyê Bêrîtan Guneş û Onur Duşunmez, aktîvîstên Tevgera Jinên Azad (TJA), endamên Meclisa Dayikên Aştiyê û nûnerên gelek saziyên civaka sivîl ên bajar jî piştgirî dan meşa ciwanan. Ciwanan pêşmalkên “Em ber bi azadiyê ve dimeşin” li xwe kirin û piştî noxteya kontrolê ya Pîrînçlîkê bi qasî 5 kîlometreyan meşiyan. Ciwanan di meşê de pêşmalkên ku wêneyê Rêberê Gelê Kurd Abdullah Ocalan li ser xwe kirin û dirûşmeya “Bijî Serok Apo” berz kirin. Parlementerên DEM Partiyê Onûr Duşunmez, Serhat Eren û Berîtan Gûneş jî beşdarî meşa ciwanan bûn. Ciwan piştî demekê meşiyan bi maşîneyan ketin rêya Sêweregê. Ciwanan di saetên êvarî de xwe gihandin Sêweregê.
Gelê Sêwêregê meşvan di ketina Sêwêregê de bi girseyî pêşwazî kirin û li kolanên Sêweregê meşiyan.
Girseyê di meşê de dirûşmeyên “Bijî Serok Apo”, “Ciwan fedayiyên Rêber Apo ne” û “Li Çiyayan negerin Apocî li her derê ne” berz kirin.
Girse dema gihişt Parka Navenda Sêweregê dest bi gerandina govendê kir. Di dawiyê de dayikên aştiyê ji bo azadiya Rêberê Gelê Kurd Abdullah Ocalan kevok firandin.
Meşvan dê ji Sêweregê derbasî Curnê Reş û ji wir jî dê di Riha, Xelfetî û Pirsûsê re bimeşin û meşê li Gundê Amarayê bi dawî bikin.
