Şandeya DEM Partî û DBPê li Başûrê Kurdistanê serdana Nûnertiya PYDê ya li Silêmaniyê kir û bal kişand ser rola partiyên Başûr ên ji bo çareseriya pirsgirêka Kurd.
Şandeyek ji Partiya Herêman a Demokratîk (DBP) û Partiya Wekhevî û Demokrasiyê ya Gelan (DEM Partî) ji bo hin rêze hevdîtinan çû Herêma Federal a Kurdistanê. Şandeya dê bi partiyên siyasî û rêxistinên civakî re hevdîtinê pêk bîne. Di şandeyê de Hevserokê Giştî yê DBP’ê Keskîn Bayindir, Berdevkên Têkiliyên Derve yên DEM Partiyê Berdan Ozturk û Ebrû Gunay, Amîra Îdarî ya Meclîsê Salîha Aydenîz û endama Tevgera Jin Azad (Tevgera Jinên Azad-TJA) Adalet Fîdan cih digirin. Di çarçoveya hevdîtinan de li Silêmaniyê bi Nûnertiya Partiya Yekîtiya Demokratîk (PYD) re civiya. Şande ji aliyê Nûnerê PYDê yê Başûrê Kurdistanê Cawîdan Kemal Hesen û Endama Meclîsa Giştî ya PYDê Bêrîvan Mihemed ve hatin pêşwazîkirin. Di civînê de li ser peyama Rêberê Gelê Kurd Abdullah Ocalan a “Aşitî û Civaka Demokratîk” nîqaş kirin û li ser rola aliyên siyasî yên li Başûrê Kurdistanê ji bo çareseriya pirsa Kurd û pêvajoya aştiyê rawestiyan.
Tê payîn ku şandeya DEM Partî û DBP’ê li Silêmaniyeyê bi gelek partî û rêxistinên sivîl re hevdîtinan bike.
