Tora Çiyayî ya Silêmaniyê bi boneya Cejna Newrozê 241 meşale bi ser çiyayê Guwêje hilkişiyan û Newroz pîroz kirin.
Di saetên şevê de li qontara Çiyayê Guwêje ya Silêmanî bi 241 meşaleyan ku ji bo bîranîna 241 saliya avakirina bajarê Silêmaniyê agirê Newroz hate pêxistin û Newroz hate pîrozkirin. Tora Çiyayî ya Silêmaniyê bi 241 meşaleyan hilkişiyan ser çiyayê Guwêje. Berpirsê koma çiyayî Arî Merdan ji Rojnews re axîv û diyar kir ku ev çalakî ji bo bajarê Silêmaniyê ye û got: “Kareke wiha yekem care li Silêmaniyê tê kirin. Vê yekê weke kevneşopiyekê emê bidomînin.”
