Bajarê Êlihê bi agirê Newrozê ronî bû. Bi hezaran kesên li taxa Korikê ya Êlihê kom bûn, agirê Newrozê pêxistin û azadiya Rêberê Gelê Kurd Abdullah Ocalan xwestin.
Bi hezaran kes li taxa Korikê ya Êlihê kom bûn û agirê Newrozê geş kirin. Komîteya Amadekar a Newrozê, beriya ku bi şîyara “Rêbertiya Azad Civaka Demokratîk” bi girseyî Newrozê pîroz bikin, li taxa Korikê ya Êlihê bi tevlêbûna hezaran kesan starta pîrozbahiya Newrozê dan. Girseya ku li dora agir kom bûn bê navber dirûşmeyên “Bijî serok Apo”, “Bê serok jiyan nabe”, “Jin jiyan azadî”, “Ciwan fedaiyên Apo ne” û “PKK gel e, gel li vir e” berz kirin.
Girseyê piştî agir pêxist, ji bo hemû kesên di têkoşîna azadiyê de jiyana xwe ji dest dane rêz girtin û srûda “Çerxa şoreşê” xwendin. Girseyê piştî rêzgirtinê li dora Agirê Newrozê govend gerandin û stran gotin. Li vir Hevşaredara Êlihê Gulistan Sonuk ku walî dest danîye ser cihê wê, xwes tu hemû gelê Êlihê bi hevre aştiyek bi rûmet ava bikin û ji bo wê yekê bi hevre têbikoşin.
Hevseroka DEM Partiyê ya Êlihê Songul Korkmaz jî anî ziman ku ew agirê Newrozê ji bo aştiyek bi rûmet geş dikin û wiha got: “Newroza îsal ji bo hemû gelan Newroza azadiyê ye. Piştî axaftinan girseyê li dora agir govend gerand û dirûşm berz kirin.
