Li Navçeya Bismilê ya Amedê agirê Newrozê her şevê li taxekê geş dibe. Îşev jî agirê Newrozê li taxa Esentepe geş bû.
Li navçeya Bismilê gel di pêşengiya DEM Partî, DBP û TJAyê de ji 10ê adarê ve her şevê li taxekê agirê Newrozê geş dike. Komîteya Amadekar a Newrozê her şevê li taxekê kom dibe û bi girseyî agirê Newrozê geş dikin. Komîteya Amadekar îşev jî li taxa Esentepe ya Navçeya Bismilê ya Amedê agirê Newrozê geş kir. Girseyê piştî agirê Newrozê pê xist, li dora agir li def û zurneyê xist û govend gerand. Girseyê di pîrozbahiyê de bê navber dirûşmeyên “Bijî Serok Apo”, “Bijî Newroz” berz kirin. Komîteya Amadekar a Newrozê dê di 15ê Adarê de bi dirûşmeya “Rêbertiya Azad Civaka Demokratîk” li navenda Bismilê bi tevlêbûna deh hezaran Newrozê pîroz bike.
