Gerînendeyê Giştî yê Borsaya Stenbolê Korkmaz Enes Ergun ji berê lêpirsîna krîza fonan de hate binçavkirin.
Lêpirsîna derbarê krîz û gendeliya fonan de ku piştî nivîsa Dozgeriya Stenbolê ji bo Desteya Bazara Sermayeyê (SPK) di 19ê Tebaxê de dest pê kir û bi biryara SPKê ya di 17ê Îlonê de ji bo tasfiyekirina 131 fonan derket holê, berdewam dike. Krîza ku di bazara sermayeyê ya Tirkiyeyê de derket holê, bi îdiayên derbarê kirîn û firotina hîseyên hin şîrketan ve girêdayî ye. Di derbarê lêpirsîna krîza fonan de Gerînendeyê Giştî ya Borsaya Stenbolê Korkmaz Enes Ergun hate binçavkirin. Serdozgeriya Komarê ya Stenbolê derbarê binçavkirinê de daxuyanî da û diyar kir ku Korkmaz Enes Ergun bi sedema “bertîlê” û “endamê rêxistinê” hatiye binçavkirin.
