Şaxa ÎHD ya Îzmîrê di çalakiya xwe ya vê hefteyê de bal kişand ser rewşa girtiyê nexweş Îrfan Yildirim ê 33 sal in girtî ye. Hevseroka ÎHDa Îzmîrê Parêzer Zîlan Gumuş destnîşan kir ku tevî nexweşiyên giran ên wekî yekgurçikbûn û astimê, rêjeya astengdariyê bi rapora nû ji %60 daxistine ji %26an û xwest ku Îrfan Yildirim demildest bê berdan.
Şaxa Komeleya Mafên Mirovan (ÎHD) a İzmirê, çalakiya xwe ya ku ji bo balkişandina ser rewşa girtiyê nexweşên ku du hefteyan carekê li ber SumerBank a Kevn a Konakê domand. Di daxuyaniyê de pankarta “Girtiyên nexweş dimirin, bêdeng nemîne nebe şirîkê sûc” hat vekirin. Di çalakiya vê hefteyê de bal hat kişandin ser rewşa tenduristî û binpêkirinên mafan ku girtiyê nexweş İrfan Yildirim ê li Girtîgeha Girtî ya Ewlehiya Bilind a Kiriklarê tê girtin re rû bi rû ye. Daxuyanî li ser navê girseyê ji aliyê Hevseroka Şaxa ÎHD ya İzmirê Parêzer Zîlan Gumuş ve hat xwendin.
Zilan Gümüş diyar kir ku Îrfan Yildirim zêdetirî 14 salan e di hucreya yek kesî de tê girtin û şert û mercên tecrîda demdirêj û zêdetirî 33 salan girtîbûnê di tenduristiya wî de zirarên giran û daîmî çêkirine û got: “Îrfan Yildirim bi yek gurçik e; di heman demê de bi nexweşiyên girîng ên wekî astima kronîk, fitiqa pişt û stûyê pê re heye. Lê belê digel hemû rewşên giran jî, binpêkirina herî mezin a ku ew pê re rû bi rû ye nakokiyên di raporên tenduristiyê de ne. Tevî ku di rewşa wî ya tenduristiyê de tu başbûn çênebûye jî, di rapora ku di sala 2019an de ji aliyê Nexweşxaneya Perwerde û Lêkolînê ya Herêma Çîgliyê ve hatibû amadekirin de rêjeya astengdariyê %60 hatibû diyarkirin; di rapora sala 2024an de ku li Nexweşxaneya Bajar a Îzmîrê hat amadekirin de ev rêje daxistin %26an.
‘Divê Îrfan Yildirim bi awayeke bêalî bê tedawîkirin’
Zilan Gümüş diyar kir ku ji ber temenê mezin ê endamên malbatê û dûriya rê malbata wî nikare bê İzmirê û got: “Divê raporeke tenduristiyê ya bêalî ku hemû nexweşî û rewşa rastîn a tenduristiya İrfan Yıldırım bi temamî di nav xwe de digire bê amadekirin; di vê çarçoveyê de divê ew bigihîje xizmeteke tenduristiyê ya bi kalîte û hemewxt. Ji bo ku malbata wî jî bikaribe serdana wî bike, divê söwqa wî ji bo Mêrdîn an jî Êlihê bê kirin. Her wiha divê qanûn û qanûndariya ku rê li ber rawestandina înfazê û berdana girtiyên nexweş ên bi cezayê girankirî yê muebbetê hatine mehkûmkrn digire, bi bingehgirtina rêgezên hiqûqa gerdûnî û mafê jiyanê zû de bê guhertin.”
