Konferansa ‘Em bi hev re li ser pêşerojê diaxivin’ ku li ser banga 80 jinên di nav de rojnameger, nivîskar, aktivîst, akademîsyen û siyasetmedar hene, dest pê kir.
Konferansa ‘Em bi hev re li ser pêşerojê diaxivin’ ku li ser banga 80 jinên di nav de rojnameger, nivîskar, aktivîst, akademîsyen û siyasetmedar hene li eywana Endezyarên Înşaatê ya navçeya Çankaya ya Enqereyê dest pê kir. Dayika Îpek Er a ji aliyê çawişê pîspor Musa Orhan ve hatibû qetilkirin Hîkmet Kilinç jî bi wêneyê keça xwe û desmala kesk, sor û zer tev li konferansê bû. Her wiha Hevseroka Giştî ya DEM Partiyê Tulay Hatîmogullari, endama Heyeta Îmraliyê ya DEM Partiyê Pervîn Buldan, aktivîstên Tevgera Jinên Azad (TJA), sazî û rêxistinên jinan, endam û nûnerên partiyên siyasî, sazî û rêxistinên jinan, saziyên sivîl û bi sedan jin tev li konferansê bûn. Dê konferansa jinan du rojan bidome.
Konferans bi axaftina vekirinê ya lîstikvan Rugeş Fîlîz ve dest pê kir. Rugeş Filîz diyar kir ku ew li ser jin aştiyeke çawa dixwazin û pêşeroja xwe çawa diyar bikin biaxivin û wiha axivî: “Aştî ne tenê bêdengkirina çekan e. Ji holê rakirina tirsê, bêdeng nekirina nasname û zimanan e. Werin em rêzê ji cudahiyên hev re bigirin û têkoşîna xwe hevpar bikin. Em hêvî dikin ew konferans bibe destpêke ji bo hatina me ya ba hev.”
Piştî axaftina destpêke stranbêj Îlkay Akkaya, Cansu Çamlibel û muzîkjênan li ser dîkê stran gotin. Piştî stranan roja yekem a konferansê dê bi rûniştin û foruman berdewam bike. Di roja yekem a konferansê de rûniştinek û 2 forum bên lidarxistin. Bernameya konferanê ya îro wiha ye:
*Rûniştina yekem a forûmê: Azadî, demokrasî, edalet û hemwelatiya wekhev
Moderator: Akademîsyen Cansu Çamlibel
Axaftvan: Endama Înîsiyatîfa Pêdiviya Min bi Aştiyê heye Ferîde Eralp, zanyara siyasetê Fusun Ustel, siyasetmedara Kurd Gulten Kişanak, nivîskar Hîdayet Şefkatlî Tuksal, siyasetmedar Zeynek Altiok Akatli
*Rûniştina 2yan a forumê: Em li dijî kapitalizme û kedxwariyê li ser têkoşîna kede diaxivin
Moderator: Çîlem Kuçukkeleş û Gulsum Kav
Mafê axaftinê ya hemû jinan e
*Rûniştina 3yan forumê: Em li ser têkoşîna azadiyê û wekheviya zayendî diaxivin
Moderator: Defne Guzel û rojnameger Reyhan Hacioglu
Mafê axaftinê ya hemû jinan e.
Konferans dê sibe jî bi rûniştinek û 2 foruman berdewam bike û li ser mijarên cuda cuda axaftin bên kirin.
