* Malbatên şehîdan ên Sêrtî yên navê wan nû hatine eşkerekirin ku anîn ziman gelê Kurd ji bo aştî û azadiyê berdelên giran dan û wiha gotin: “Şehîd ji bo paşeroja me dibin ronahî.
* Li Stenbolê 14 navçeyan ji bo şehîdên Tevgera Azadiya Kurdistanê bernameyên bîranînê hatin lidarxistin. Bi hezaran kes tev li bîranînan bûn. Kesên bi xemgînî dihatin li serdanên şehîdan bi helwestên azadîxwaz, serbilindî û evîna Kurdistanê vegeriyan li malen xwe.
* Tahîr Yavîç (Agir Adar) ê di sala 1999an de li dijî komploya navneteweyî tev li Tevgera Azadiyê bû û di sala 2007an de şehîd ket. Birayê wî Fatîh Yavîç jî navê birayê xwe Agir Adar li xwe kir, tev li Tevgera Azadiyê bû û di sala 2017an de şehîd ket. Bavê du şehîdan Mehmet Yavîç diyar kir ku ew bi şehîdên xwe serbilind e.
* Nivîskar Sînan Şahîn di hejmara 8emîn a Kovara Ozgur Halkê de bi gotara xwe ya bi sernavê “Çima Komîn û Jiyana Komînal?” sedemên civakî, dîrokî û îdeolojîk ên pêdiviya bi jiyana komînal digire dest. Şahîn di nivîsa xwe de destnîşan dike ku li dijî krîza kûr a nûjeniya kapîtalîst, avakirina komînan ne tenê bijarteyek e, di heman demê de pêdiviyeke jiyanî ye ji bo parastin û pêşxistina civakê ye.
* DEM Partî dê bi mabesta serdema nû ya perwerdehiyê bi daxwaza perwerdehiya bi zimanê dayikê û bê perê li ber Wezareta Perwerdehiyê ya navçeya Çankaya ya Enqereyê daxuyaniyê bide. (11.00)
* Komeleya Pêşvebirina Çand û Zimanê KURDÎGEH û Şaxa Egîtîm Sen a Wanê wê bi boneya destpêkirina demsala nû ya perwerdehiyê li Kolana Hunerê ya Rêya Armûşê ya Wanê daxûyanî bidin. (15:00)
* Platfomra Saziyên Demokratîk û Platforma Ked û Demokrasiyê ya Wanê, dê têkildarî êrişên li ser Kurdên Rojava ji Gunpaş AVMê heta Parka Mûsa Anter meşekê li dar bixin. (17:30)
