Civîna Şandeya Îmraliyê û Serokê YNKê Bafil Talabanî û Cîgirê Serokê Herêma Kurdistanê Qubad Talabanî dest pê kir.
Şandeya Îmraliyê ya Partiya Wekhevî û Demokrasiyê ya Gelan (DEM Partî) piştî hevdîtinên xwe yên li bajarê Hewlêrê ya Herêma Kurdistanê, derbasî bajarê Silêmaniyê bû. Civîna di navbera Şandeya Îmraliyê û Serokê Giştî yê Yekitiya Niştimanî Kurdistan (YNK) Bafil Talabanî û Cîgirê Serokê Herêma Kurdistanê Qubad Talabanî de dest pê kir.
Civîn li Debaşanê (Li mala Celal Talabanî) tê kirin.
Bafil û Qubad Talabanî pêşwazî li şandeyê kirin û piştre derbasî hundir ango cihê civînê bûn.
Di şandeya Îmraliyê de kî cih digire?
Di şandeyê de endamên Şandeya Îmraliyê Pervîn Bûldan û Sirri Sureyya Onder, Hevserokê Giştî yê Partiya Herêmên Demokratîk (DBP) Keskîn Bayindir, endamên Bûroya Hiqûqê ya Sedsalê Ozgur Erol û Îbrahîm Bîlmez, Hevberdevkê Komîsyona Têkiliyên Derve ya DEM Partiyê Berdan Ozturk, parlamenterên DEM Partiyê Gulcan Kaçmaz Sayyîgît û Mehmet Kamaç cih digirin.
Civînên li gel Mesûd û Nêçîrvan Barzanî
Şandeya Îmraliyê di 16 û 17ê Sibatê de li Hewlêrê bi Serokê PDKê Mesûd Barzanî û Serokê Herêma Kurdistanê Nêçîrvan Barzanî re civînan pêk anîbû.
