Ji bo şehîdên têkoşîna azadiyê, li navçeya Yûnûsemre ya Manîsayê di roja dawî ya bernameyên bîranînê de mewlûd hate xwendin.
Li navçeya Yûnûsemra ya li navçeya Manîsayê, ji bo şehîdên têkoşîna azadiyê di roja dawî ya bîranînê de, mewlûd hate xwendin. Di bernameya sersaxiyê ya Yûnûsemreyê de Hevserokê Bajar ê DEM Partiyê yê Manîsayê Kerem Taylan, Parlamenterê DEM Partiyê yê Rihayê Ferit Şenyaşar, Dayikên Aştiyên, rêveberên MEBYA-DER, YAK-DER û xizmên kesên ku jiyana xwe ji dest dan amade bûn.
‘Em ê têkoşînê bigihînin serfiraziyê’
Bernameya bîranînê bi rêzgirtina ji bo kesên ku jiyana xwe ji dest dan dest pê kir. Piştre Hevserokê Bajar ê DEM Partiyê yê Manîsayê Kerem Taylan axivî. Taylan diyar kir ku kesên jiyana xwe ji dest dan ji bo azadî û rûmeta gel têkoşiyane û banga xwedîderketina li têkoşîna wan kir û wiha got: “ şehîdan ji bo azadî û rûmeta gel, bi şiara‘Yan jiyaneke azad yan jî ev jiyan li me heram be’ jiyana azad hilbijartin. Ji bo nivîsandina dîrokeke nû jiyana xwe feda kirin. Em jî ji bo bi cih anîna bîranînên wan, em ê têkoşîna ku li pey xwe hiştine bigihînin serfiraziyê.”
‘Tişta ku ji me tê xwestin yekitî ye’
Li ser navê Dayikên Aştiyê Pakîze Demîr jî axivî û sersaxî ji malbatên kesên jiyana xwe ji dest dan û gelê Kurd re xwest û got ku ji bo bîranînên kesên di têkoşînê de jiyana xwe ji dest dan werin jiyîn, divê yekitî çêbibe. Pakîze Demîr wiha axivî: “Ji bo ji bîrnekirina şehîdên xwe û xwedîderketina li wan, tiştê ku ji me tê xwestin yekitî ye, yekbûn e. Bi ked û fedakariya şehîdan gelê kurd hat vê astê û bû muhatabê dewletê. Şehîdan dareke canê xwe hebû û ew jî ji bo me feda kirin. Divê em ji bo wan yekitiya ku ew dixwazin bê guman ava bikin.”
Banga xwerêxistnkirkirinê
Parlamenterê DEM Partiyê yê Rihayê Ferit Şenyaşar jî di axaftina xwe de bal kişand ser têkoşîn û keda malbatên kesên jiyana xwe ji dest dan û dayikan û wiha got: “Ji bo min ev malbat pir bi qîmet, bi rûmet û hêja ne. Di têkoşîna 40 salî de mezintirîn berdêl dayikan dan. Ez dilopeke rondika dayikên xwe bi cîhanê naguhurim.”
Ferît Şenyaşar diyar kir îro li bajarên cuda yên Tirkiyê bernameyên şehîdan wekî pêşveçûnek girîng nirxand û bal kişand ser girîngiya têkoşîna rêxistinkirî û got: “Bi rêxistinbûn ji bo me pir girîng e. Em çiqas bi rêxistin bin em ê ewqas bi hêz bin û dewlet jî dê me ewqas cidî bigire.”
‘Şehîd ji bo welat hatin dayîn’
Piştî Ferît Şenyaşar, ji malbata şehîdan Ahmet Aslan axivî û diyar kir ku malbata Aslan ji dema damezrandina partiyê ve di nava xebatên siyasî de cih girtiye û di vê pêvajoyê de gelek xizmên wan jiyana xwe ji dest dane. Aslan anî ziman ku baweriya wan a bi azadiyê çawa ku duh hebû îro jî diparêzin û diyar kir ku ji ber kesên jiyana xwe ji dest dan qet poşmanî nexwarine û wiha got: “Baweriya me ya bi azadiyê çawa ku duh hebû îro jî em diparêzin. Em ji şehîdên xwe qet poşman nebûn û her dem bi wan serbilind bûn. Ger ji bo welatekî berdêl nehatibe dayîn û şehîd nehatibin dayîn, ew welat tune tê hesibandin.”
Piştî axaftinan ji bo kesên ku jiyana xwe ji dest dan mewlûd hate xwendin û bîranîn bi dawî bû.
