Miduriyeta Polîtîkayên Jinan a Şaredariya Peyasê, li dijî tundiya li ser jinan, ji bo xurtkirin û hevgirtina bi jinan re pêş bixe û parvekirina rêbazên xebatê yên hevpar bidomîne li Parka 75an bi jinan re civiya.
Miduriyeta Polîtîkayên Jinan di çarçoveya kampanyaya “Gotina me ne qediya, em ê bi hev re tundiyê bisekinînin” de li Parka 75an bi jinan re hate gel hev. Bi kampanyayê hate armanckirin ku sedemên civakî yên tundiya li ser jinan bên nîqaşkirin û wekî pirsgirêkeke binyadî ya li dijî tundiyê hesta rêxistinbûnê were avakirin.
Hevşaredara Peyasê Bêrîvan Gulşen Sîncar, endamên meclisa şaredariyê, alîkara hevşaredaran û xebatkarên Miduriyeta Polîtîkayên Jinan tev li civînê bûn. Di dema hevdîtinê de, ji bo jinên ku rastî tundiyê hatine belavok hatin belavkirin, di van belavokan de agahiyên têkiliyê yên navenda hevgirtina jinan û piştgiriya civakî cih girtin.
Bêrîvan Gulşen Sîncar derbarê xebatên şaredariyê yên têkildarî jinan de agahî dan û di heman demê de guh da daxwaz û pêşniyarên jinan. Şaredariya Peyasê dê di meha havînê de li gelek cihên cuda hevdîtinên xwe bidomîne.
