Polîsan bi ser Mala Hunerê ya Jîn Artê de girtin. Gelek rêveberên DEM Partî û DBPê jî hatin binçavkirin.
Îro şeveqê polîsan li Îzmîrê bi ser gelek malan de girtin. Endama Meclisa Partiyê (PM) ya Partiya Herêmên Demokratîk (DBP) Gonul Yalçin, Endamê Meclisa Partiyê ya DEM Partiyê Sabrî Gul û Koray Turkay di serdegirtinên malan de hatin binçavkirin. Hat zanîn ku kesên hatin binçavkirin birin Midûriyeta Polîsan a Îzmîrê. Hat diyarkirin ku dibe hejmara binçavkiriyan zêde bibe.
Her wiha polîsan bi ser Mala Hunerê ya Jîn Artê ya li semta Basmaneyê ya navçeya Konakê de jî girtin. Lêgerîna li Mala Hunerê ya Jîn Artê berdewam dike.
