Çavkaniyek ji medya Iraqê re ragihand ku serokkomarê Iraqê, guhertina Zagona Rewşa Kesane jî di nav de, sê projeyasayên nakok, erê kiriye.
Tevî nerazîbûn û bertekên tund yên navxweyî û derveyî welat jî, her sê projeyasayên nakok yên Yasaya Rewşa Kesî, Yasay Efûya Giştî û Yasaya Vegerandina Mal û Milkan li Xwediyên Wan, ji aliyê serokkomarê Iraqê Letîf Reşîd ve hat erêkirin.
Li gorî agahiyên di medya fermî ya Iraqê de hatine belavkirin, serokkomarê Iraqê Letîf Reşîd Yasaya Rewşa Kesî, Yasay Efûya Giştî û Yasaya Vegerandina Mal û Milkan li Xwediyên Wan pejirand.
Yasayên hatine pejirandin li seranserê Iraq û derveyî welat, bûn sedema nerazîbûn û bertekên tund. Bi taybet Yasaya Rewşa Kesî ya jimara 188 ya Iraqê dê bibe sedema binpêkirina hemû mafên jin û zarokan û zewicandina zarokên keç ên di temenê 9 salî de.
Herwiha şîe di wê baweriyê de bûn ku bi efûya giştî dê çeteyên DAIŞê bên berdan, sunnî û gelek rêxistinên civaka sivîl li hundir û derveyî welat li dijî guhertinê bûn.
Hêjayî gotinêye ku di 21ê çileyê de Parlamentoya Iraqê her sê projeyasayên Yasaya Efûya Giştî, Yasaya Rewşa Kesî û Yasaya Vegerandina Mal û Milkan di carekê de pejirand. Lê piştî nerazîbûn û giliyên li ser projeyasayan, di 2yê sibatê de bi biryara Dadgeha Federal her sê yasaya hatibûn rawestandin. Lê di 11ê sibatê de Dadgeha Federal biryara rawestandinê hilweşand. Piştî ku Dadgeha Federal a Iraqê biryara rawestandina yasayan da û şûnde partiyên sûnî nerazîbûn nîşanî vê biryarê dabû. Serokê Partiya Teqadûm a Sûnî Mihemed Helbûsî li dijî biryarê banga protestoya mezin kiribû.
