Serokkomarê AKPî Tayîp Erdogan, Prensê Erebîstana Siûdî Muhammed bîn Selman û Serokwezîrê Pakîstanê Şehbaz Şerîf li Mekkeyê peymana hevpar a parastinê îmze kirin.
Serokkomar Erdogan ji bo karên rojane yên kar çû li Erebîstana Siûdî.
Wezareta Karên Derve ya Pakîstanê daxuyand ku Tirkiye bi Erebîstana Siûdî û Pakîstanê re peymana parastina a hevpar a bi navê Peymana Mekkeyê îmze kiriye. Rêveberiya Îslamabadê ya Pakîstanê diyar kir ku heke êrişek li hemberî van her sê welatan were kirin, dê li dijî hêza êrişkar parastin bi awayeke hevpar were kirin.
Hêjayî gotinê ye ku Erebîstana Siûdî dewlemendê petrolê, Pakîstan xwedî hêza nukleerî ya herêmê ye û Tirkiye jî hem xwedî duyemîn artêşa mezin a NATOyê ye û hem jî ji aliyê teknîka şer û parastinê de xwe pêş dixe.
Peyman di demeke ku Îran êrişî binesaziya Erebîstana Siûdî dike de hat îmzekirin. Xuya ye ku Erebîstana Siûdî dixwaze hem parastina xwe xurt bike û hem jî li dijî Îranê tifaqeke xurt ava bike. Balkêş e ku peyman di demeke ku Tirkiye bi Îsraîlê hevrikiyê dikin de hat îmzekirin.
