AKP, bi rojeva pêşnûmeya qanûna çarçoveyî li Meclisê civiya. Di civînê de wê parlamenterên AKPê li ser qanûna çarçoveyî bên agahdarkirin.
AKP bi rojeva pêşnûmeya qanûna çarçoveyî ya ku navê “Xurtkirina hevgirtina neteweyî û yekparebûna civakî” lê hatiye kirin, li Meclisê civiya. Di civînê de li ser qanûna çarçoveyî parlamenterên AKPê dê bên agahdarkirin. Cîgirê Serokê Giştî yê AKPê Efkan Ala û Serokê Koma AKPê Abdullah Guler dê parlamenteran agahdar bikin. Piştî civîna girtî ya AKPê tê çaverêkirin ku pêşnûmeya qanûnê pêşkêşî Serokatiya Meclisê bê kirin.
Dihat gotin ku pêşnûmeya qanûna çarçoveyî dê saet di 10:30an de pêşkêşî Serokatiya Meclisê bê kirin lê di saetê de guherîn çêbû û tê gotin piştî nîvro seat li derdora 15:00:an pêşnûme biçe ber destê Serokatiya Meclisê.
Piştî agahdarkirina parlamenteran civîna girtî ya AKPê bi dawî bû. Abdullah Guler û Efkan Ala piştî civînê diyar kirin ku dê pêşkêşkirina saeta pêşnûmeyê ji rojnamegeran bê ragihandin.
