Li navçeya Yeşilyurt a Meletiyê, di dema xebatên binesaziyê yên avakirina xaniyan de ax herifî. Di encama qezaya kar de du karkerên ciwan di bin axê de man û jiyana xwe ji dest dan.
Li navçeya Yeşîlyurt a Meletiyê di dema xebatên binesaziyê yên avakirina xaniyan de ax herîfî. Li herêma ku xebatên avakirina xaniyên TOKÎyê lê berdewam dikin, di dema kolandina xetên binesaziyê de ji sedemek nediyar ax herifî. Bi herifîna axê re du karker di bin de man.
Li ser agahdarkirina karkerên din ên li cihê şixul tîmên tenduristiyê, agirkuj, AFAD, UMKE û cenderme sewqî cihê bûyerê hatin kirin.
Tîmên ku gihîştin herêmê piştî xebatekê cenazeyên karkerên bi navê Enîs Bayram (29) û Suleyman Kaya (34) ji bin axê derxistin. Di kontrola pêşîn a tîmên tenduristiyê de hat piştrastkirin ku her du karkeran jî li cihê bûyerê jiyana xwe ji dest dane.
Dema derxistina cenazeyan de hevalên wan ên karker bertek nîşan dan û krîz derbas kirin. Cenazeyê her du karkeran ji bo xebatên otopsiyê birin morga Nexweşxaneya Dewletê ya Meletiyê.
Derbarê qezaya kar de lêpirsîn hate destpêkirin.
