Serokê Fermandariya Giştî ya Hêzên Seferberiya Gel (Heşdî Şabî) Ebdulezîz Mihemedawî ragihand ku ew ê çekên komên çekdar radestî dewletê nekin.
Serokê Fermandariya Giştî ya Hêzên Seferberiya Gel (Heşdî Şabî) Ebdulezîz Mihemedawî bi nasnav Ebo Fedek derbarê radestkirina çekên komên çekdar ya ji bo dewletê de ji çapemeniya Iraqê re axivî.
Ebo Fedek li ser pirsa radestkirina çekan a ji bo dewletê, wiha got: “Kî wê çekan wergire? Kî wê karibe çekan wergire?”
Di nava raya giştî ya Iraqê de ev gotinên Ebo Fedek wekî ku ew ê çekên komên çekdar ên Heşdî Şabî radestî dewletê nekin, hate nirxandin.
Ev daxuyanî piştî êrîşa duh a hevbeş a Amerîka û Erebîstana Siudî ya li dijî komên Heşdî Şabî hat kirin.
Hêjayî gotinê ye di encama êrîşa duh a li ser Heşdî Şabî de 20 çekdar hatin kuştin û 32 çekdar jî birîndar bibûn.
