Li Girava Kyuşu ya li başûrê Japonyayê bi mezinahiya 7,1 pileyî erd hejiya. Ajansa Meteorolojiyê ya Japonyayê piştî rûdana erdhejê hişyariya tsunamiyê da.
Li Girava Kyuşu ya li başûrê Japonyayê bi mezinahiya 7,1 pileyî erd hejiya. Li gorî daxuyaniya Ajansa Meteorolojiyê ya Japonyayê, navenda erdhejê peravên eyaleta Kumamoto ye. Di pîvanga ‘shindo’ de ku mezinahiya erdhejên li Japonyayê dipîve, erdhej di ser 7 pileyî de hate nîşandan.
Rayedaran hişyarî dan ku piştî erdhejê bi bilindaniya metreyekê dibe ku pêlên tsunamiyê rabin.
Hikûmeta Japonyayê her wiha ji bo Kumamoto, Nagasaki, Kagoshima, Fukuoka, Saga, Oita û Miyazakiyê hişyariya lezgîn a erdhejê weşand.
Li ser encama erdhejê daxuyaniyeke fermî nehate dayîn. Rayedaran diyar kirin ku rewş ji nêz ve tê şopandin û ji mirovên li herêmên peravî dimînin xwestin ku guh bidin hişyariyên fermî.
