* Hozan Serhad ku bi muzîk û têkoşîna xwe di nava dilê gel de cihê xwe digire di 22yê Tîrmeha 1999an de di encama kemînekê de li navçeya Elkê ya Şirnexê jiyana xwe ji dest da. Hunermend Rotînda ku pê re gelek xebat kiriye destnîşan kir ku şehadeta Hozan Serhad windahiyeke pir zû, pir mezin bû û got: “Şehadeta her hevalî min diêşîne lê xwezî Serhad bijiya. Lê ew bi stran û keda xwe di nav me de dijî û ruhek zindî ye. Ez bawer im sed salên din jî biçe ew ê dîsa di nav me de bijî.”
* Gul Salar a xwişka sînemagerê Kurd Murat Çîçek ku li Japonyayê di binçavan de bi awayekî gumanbar jiyana xwe ji dest dabû, derbarê mirina birayê xwe de diyar kir ku teqez îhmal heye lê di destê wan de delîl nîn in. Gul Salar da zanîn ku ew amadekariya vekirina dozê dikin.
* Endamê MED TUHAD-FEDê Mahsûn Orûç, rêveberê DBPa navçeya Rezanê Sedat Demîrtaş û endama MEBYA-DERa Amedê Menîce Yenî destnîşan kirin ku ji bo pêvajo bi lez bimeşe divê Rêberê Gelê Kurd Abdullah Ocalan demildest azad bibe.
* Platforma Şaxan a KESKa Amedê û Platforma Şiyar Be dê bi dirûşma “Em ê bi piştevaniya civakî, ne bengîtiyê, hêvî û jiyanê mezin bikin” li Parka Rojava ya navçeya Peyasa Amedê daxuyaniyê bide çapemeniyê. (17:30)
