Hatibû ragihandin ku li dijî Tesîsa Civakî ya Şaredariya Bajarê Mezin a Amedê ya li Fîskayayê êriş pêk hatiye. DEM Partiyê ragihand ku tu eleqeya êrişê bi tesîsê ve tune ye û bûyer di navbera şexsan de qewimî ye.
DEM Partiya Amedê duh bi şev ragihandibû ku li dijî Tesîsa Civakî ya Şaredariya Bajarê Mezin a Amedê ku li Terasa Fîskaya ye êrişa çekdarî pêk hatiye û di êrişê de du xebatkarên şaredariyê yên ku li tesîsê dixebitin birîndar bûne.
DEM Partiyê îro daxuyaniyek sererastkirinê belav kir û diyar kir ku êriş ne li dijî tesîsê pêk hatiye û bûyer di navbera şexsan de qewimî ye û tu eleqeya êrişê bi tesîsê ve nîn e.
