* Endamê Konseya Rêveber a KCKê Zubeyir Aydar derbarê qanûna çarçoveyî de bi lêv kir ku Tevgera Azadiyê pêşniyarên xwe ji Rêberê Gelê Kurd Abdullah Ocalan re pêşkeş kiriye û ji dewletê re jî hatiye şandin û wiha got: “Statuya Rêber Apo xala yekem e. Heke ev xala yekem çareser nebe yên din nikarin çareser bibin.”
* Tevî peymana 29ê Çileyê ya di navbera Rêveberiya Xweser û Hikûmeta Demkî ya Şamê de jî pêvajoya entegrasyonê bi sistî û dereng dikeve meriyetê. Rêveberiya Şam dixwaze li her cihî zîhniyeta xwe bixe meriyetê. Rojnameger Dîcle Ehmed diyar kir ku hikûmeta Şamê bi lawazî nêzî xalên peymanê dibe û got ku wê jinên Rojava zîhniyeta desthilatdariyê li ser xwe qebûl nekin. Dîcle Ehmed anî ziman ku Kobanê her çiqas bajarekî biçûk be jî lê navê wê gerdûnî ye û wê guhertina nav qebûl nake.
* Li Rihayê ji bijîşkan heta hunermendan ku beşdarî kursa zimanê Kurdî dibin bal kişandin ser girîngiya zimanê zikmakî û bang li her kesî kirin ku ji bo siberoja xwe li her derê bi Kurdî bê axaftin, nivîsandin û fikirandin.
* Maşallah Devrîm mamê Serhat Devrîm ê ku di Komkujiya Pirsûsê de tevî 33 ciwanên sosyalîst û şoreşger hatibû qetilkirin, behsa kesayetiya biraziyê xwe kir
* Hevserokê TUAY-DERa Sêrtê Mûrat Gogun bal kişand ser binpêkirinên mafên girtiyan ên di demên dawî de û diyar kir ku binpêkirin gelek zêde bûne û îdareya girtîgehan gotinên heqaretî li girtiyan dike û gefan li wan dixwe.
* Medreseya Meydanê ya Colemêrgê ku di salên 1700an de ji aliyê Mîrê Hekariyê Îzzeddîn Beg ve hatiye çêkirin, di serdema xwe de ne tenê cîhekî olî, di heman demê de cîhê perwerdehî, zanist, felsefe û wêjeyê bû.
* Komîsyona Amadekariya Kongreyê ya Rêxistina DEM Partiyê ya Amedê, beriya Kongreya Bajêr a Amedê ya ku dê di meha Îlonê de pêk bê, derbarê xebat û amadekariyên kongreyê dê li avahiya partiyê civîneke çapemeniyê li dar bixe.(11:00)
* Hin qurbaniyên Komkujiya Pirsûsê dê di salvegera 11emîn de li Amedê li ser gorên xwe bên bîranîn. (11:50-13:30)
* Rêxistina DEM Partiyê ya Geverê dê Suleyman Aksû yê ku di komkujiya Sirûcê de jiyana xwe ji dest dabû li ser gora wî bi bîr bîne û li avahiya xwe belgesela “Hey Hawar” bide nîşandan. (11:30)
* Platforma Saziyên Demokratîk a Rihayê bi boneya salvegera Komkujiya Pirsûsê dê li Navenda Çandê ya Amarayê bernameya bîranînê li dar bixe. (11:50)
* Rêxistina DEM Partiya ya Wanê dê di çerçoveya amadekariyên Kongreya DEM Partiyê ya Giştî ku dê di meha Îlonê de bê lidarxistin, li Eywana Tahîr Elçî ya Broya Wanê konferansek li dar bixe. (10:00)
* Meclisa Ciwanan ya DEM Partiyê dê di çerçoveya Pêvajoya Aştî û Civaka Demokratîk bi tevlêbûna Endamê Sekreteryaya Îmraliyê Çetîn Arkaş, li Taxa Ormanê ya Navçeya Geverê ya Colemêrgê bi ciwanan re civînek li dar bixe. (18:00)
* Qurbaniyên Komkujiya Pirsûsê dê di salvegera 11emîn de li ber Peykerê Mafên Mirovan a Cadeya Yukselê Enqereyê bên bibîranîn. (18:30)
* Cenazeyê Murad Çîçek ê ku li Japonyayê di binçavan de bi awayekî guman jiyana xwe ji dest dabû dê îro li Colemêrgê were definkirin.
