Şaredariya Bajarê Mezin a Amedê û Şaredariya Peyasê bi gelek keyayên gund û taxên Peyasê re civiyan û li pirsgirêkan tax û gundan guhdarî kirin.
Gerînendetiya Çapemenî, Weşan û Têkiliyên Gel a Şaredariya Peyasê bi hevkariya Serokatiya Daîreya Çapemenî, Weşan û Têkiliyên Gel a Şaredariya Bajarê Mezin, bi armanca belavkirina feraseta rêveberiyên xwecihî ya beşdar, civînên xwe yên bi keyayên gund û taxan re didomînin. Bi beşdariya Hevşaredarên Bajarê Mezin Serra Bucak û Dogan Hatun û Hevşaredara Peyasê Bêrîvan Gulşen Sîncar li gel keyayên hin gund û taxên navçeya Peyasê li Eywana Konferansê ya Şaredariya Peyasê civîn hate lidarxistin. Di civînê de endamên meclîsa şaredariyê, serokên daîreyan yên Şaredariya Bajarê Mezin û gelek keya amade bûn.
Di civînê de xebatên di du salên dawî de hatine kirin bi keyayan re hate parvekirin. Hevşaredaran diyar kir ku şaredarî tevî zehmetiyên aborî jî li gorî hemû pêdiviyên bajêr hewl dide xizmetên hîn baştir hilberînin û wan derfetên budçeyê bi nêzîkatiyeke giştî û adilane plan kirine.
Keyayan jî di civînê de li pirsgirêk, pêdivî, daxwaz û pêşniyarên xwe rasterast gihandin hevşaredaran û daxwaza têkiliyên domdar û civînên bi vî rengî kirin.
