Danişîna doza xwediyê Weşanxaneya Aramê Hakki Boltan û xebatkarê weşanxaneyê Delîl Zengeralp ku ji ber 2 pirtûkan bi îdiaya “Alîkariya rêxistinê” tên darizandin, hat lidarxistin. Dozger di danişînê de xwest Botlan û Zengeralp bên cezakirin.
Danîşîna yekemîn a doza Xwediyê Weşanxaneya Aramê Hakki Boltan û xebatkarê weşanxaneyê Delîl Zengeralp ku ji ber pirtûkên “Dildarê Serkeftinê” ya Mahmut Aba û “Rojnivîska Berxwedana Efrînê” ya Hatîp Dîcle bi îdiaya “Propagandaya rêxistinê” tên darizandin, li 4emîn Dadgeha Cezayê Giran a Amedê hate lidarxistin. Pirtûkên navborî di 30yê Mijdara 2024an de li Pêşangeha Pirtûkan a Mezopotamyayê ya li Amedê hatibûn desteserkirin û bi vê boneyê doz hatibû vekirin. Boltan û Zengeralp tev li danişînê nebûn û parêzerê wan Resûl Temûr tev li danişînê bûn.
Dozger mutalaya xwe pêşkêş kir û xwest ku Boltan û Zengeralp bi îdiaya “Alîkarî dane rêxistinê” bên cezakirin. Parêzer Resul Temûr ji bo parastina li dijî mutalayê daxwaza wext kir.
Dadgehê daxwaza parêzer qebûl kir û danişînê taloqî 1ê Kanûnê kir.
