Înîsiyatîfa Komkujiya Zîlanê di 96emîn salvegera Komkujiya Geliyê Zîlan panelek li dar xist. Di panelê de hat diyarkirin ku komkujî 5 mehan berdewam kir û kuştin dema sirgûnkirinê de jî berdewam kir.
Înîsiyatîfa Komkujiya Zîlanê bi boneya 96emîn salvegera komkujiyê li Stenbolê panela bi navê “Trajediyeke dîrokî, tevkujiya Geliyê Zîlan” li avahiya Konfedesrasyon û Platforma Komaleyên Rojhilat u Başûrê Rojhilat (DGD-KON) li dar xist. Moderatoriya panelê Şababettîn Demîr kir û dîroknas Faîk Bûlût, hiqûqnas Cemîl Demîr û siyasetmedar Sûat Gokalp di panelê de axivîn. Li ewyanê pankartên “Geliyê Zîlan nayê jibîrkirin, dîrok nayê veşartin” û “Em tevkujiya Geliyê Zîlan ji bîr nakin” hatin vekirin.
Panel ji bo cangoriyên Geliyê Zîlanê deqîqeyekî rêzgirtinê dest pê kir.
‘Komkujî 5 mehan berdewam kir’
Hinûqnas Cemîl Demîr di panelê de axivî û anî ziman ku li gorî çapemeniya dewletê ji bo hejmartina nifûsê dewlet gel kom dike û wiha axivî: “Paşê jî komkujî dest pê dike. Biryara komkujiyê jî Demîr Beg dide. Çavkaniyên komkujiyên xilas bûn agahî didin çapemeniyê. Di rojnameya Cumhuriyetê de komkujiya Geliyê Zîlanê cih digire. Li gorî nivîsan 15 hezar, li gorî daneyan Rusyayê jî 50 hezar hatine kuştin û 49 gund hatiye şewitandin. Dewlet tu carî komkujiyên ku li dijî gelê Kurd pêk hatine di ser de neçû ye. Komkujî 5 mehan berdewam kir. Em dizanin ku piştî komkujiyê darizandina veşartî pêk hatiye. Kesên ku ji ber serhildanê hatine cezakirin di girtîgehê de hatine kuştin ên din jî bi zorê hatine koçberkirin. Erdên herêmê jî wekî xenîmet hatiye belavkirin.”
‘Bi bilindkirina têkoşînê dikarin xwedî bîra Geliyê Zîlan derkevin’
Siyasetmedar Sûat Gokalp jî anî ziman ku Geliyê Zîlan heke bi aweyekî bi komî neyê pênasekirin kêm dimîne û got: “Geliyê Zîlan dîroka gelê Kurd e. Komkujiya Zîlan girêdayî Serhildana Agiriyê ye. Pêşengên Serhildana Agiriyê tê xwestin werin kuştin. Di herêmê Geliyê Zîlanê de têkilî Serhildana Agiriyê deyninîn. Lê tekilî hê baş pêk nehatiye komkujî pêk tê. Yek jî tiştê herî girîng eşîrên Zîlanê ye. Îro Kurdistan 4 parçe tê dîtin lê dema ku dîrolê dinêrî Kurd di herêmê her cihî hene. Lê îro yên Kafkasya û herêmên din hatine asîmîlekirin. Em îro wekî eşîrên Geliyê Zîlan xwedî dîroka xwe derdikevin. Îro dixwazin em ji dîroka xwe dûr bikevin. Divê em xwedî biryar bin ku xwedî dîroka xwe derkevin û bersiva tevahî komkujiyan bidin. Bi bilindkirina têkoşînê encax em dikarin xwedî bîra Geliyê Zîlan derkevin.”
‘Kuştin dema sirgunê de jî berdewam kirin’
Di dawiyê de Faîk Bûlût axivî. Faîk Bûlût destnîşan kir ku dema Serhildana Agiriyê, Zîlan ne navenda Serhildanê bû û ev tişt anî ziman: “Zîlan navenda lojîstîka Serhildana Agiriyê ye. 49 gundên Geliyê Zîlan heye, çend kes hatiye kuştin tespîta wê jî tune ye. Bi komkujiyê xwestin me tune bikin. Di komkujiyê de kuştin dema sirgunê de jî berdewam kirin û di rê de kuştin.”
