Serokê Amerîkayê Donald Trump diyar kir ku Îran li gorî lihevhatinê tevnegeriyayê û wiha got: “Di peymanê de me gotibû ku divê nukleer nebin. Wan jî got temam. Niha jî dibêjin tiştek wisa tune ye. Ji bo wê jî ez dibêjim her tişt qediya. Agirbest bi dawî bû.”
Serokê Amerîkayê Donald Trump û Sekreterê Giştî yê NATOyê Mark Rutte ku ji bo Lûtkeya NATOyê ku li Enqereyê ne, li Qesra Serokkomariyê ya Tirkiyeyê daxuyanî dan çapemeniyê.
Rexneyên li welatên Ewropayê
Trump diyar kir ku nukleer li Iraqê bûn sedema karesatên mezin û ji ber vê yekê jî divê Îran ne xwedî nukleerê be. Trump anî ziman ku wan serkirdeyên Îranê ji holê rakirine û wiha axivî: “Ez ji ber NATOyê ne zêde kêfxweşim. Min helwesta wan a ji ber NATOyê neeciband. Ez ne hewceyî alîkariya wan im. Me helwesta Fransa, Îtalyayê û Almanyayê neeciband. Ez naxwazim êdî bi Fransayê re bazirganiyê jî bikim. Spanya jî hevkareke xirab e. Ne pere didin ne jî tev li tiştekî dibin. Ez naxwazim bi Spanyayê re jî hevkariyê bikim. Ji bo wê jî ne hewce ye ew li ser pişta me mezin bibin. Ez ê bazirganiya bi wan re bi dawî bikim û bazirganiyê nakim. Spanya dê niha bixwaze em bi wan re bazirganiyê bikin lê em nakin. Me ji bo wan ewqas pere xerc kirin lê wan ji bo me tiştek nekir.”
Mark Rutte jî bal kişand ser êrişên Îranê û ev yek anî ziman: “Divê nukleerên Îranê nebin. Bersiva Amerîkayê ya li dijî êrişên Îranê di cih de bû. Ewropa ji bo hêza Amerîkayê xurt bike mekanîzmayek e.”
‘Agirbest bi dawî bû’
Trump li ser pirsa rojnamegeran diyar kir ku zabita mutabakatê ya agirbesta bi Îranê re ji holê rabû ye û wiha got: “Kesên nexweş Îranê bi rê ve dibin. Me lihevhatinek kir. Di peymanê de me got nukleer dê nebe. Wan jî got temam. Niha jî dibêjin tiştek wisa tune ye. Ji bo wê jî ez dibêjim her tişt qediya. Agirbest bi dawî bû. Ev rejîm derewkar in. Merivên xirab in. Tirkiye dewleteke xurt e. Dikaribû bikeve şer lê neket şer. Heke biketa şer dê di aliyê din de cih bigirta. Ji bo wê jî bi me re têkiliyên xwe baş li pêş xist.”
