Komxebata Aboriya Demokratîk û Xwerêxistinkirina Aboriyê ku ji aliyê DBPê ve li Amedê tê li darxistin di roja duyemîn de didome.
Komxebata Aboriya Demokratîk û Xwerêxistinkirina Aboriyê ku ji aliyê Partiya Heremên Demokratîk (DBP) ve li Çand Amedê duh hate destpêkirin di roja duyemîn de didome. Hevşaredarê Bajarê Mezin ê Wanê Abdullah Zeydan ku qeyim tayînî şûna wî hatiye kirin, Hevşaredara Elihê Gulistan Sonuk a ku qeyim tayînî şûna wê hatiye kirin, endam û rêveberên partiyên siyasî, nûnerên saziyê sivîl û gelek kes tev li komxebatê bûn.
Di roja duyemîn a komxebatê de forûm dê bên lidarxistin. Di rûniştinên forûmê de mijarên “Li Dijî Qeyrana Cotkariyê Aboriya Hilberîna Demokratîk”, “Rêveberiya Herêmî û Modela Aboriya Demokratîk: Derfet û Sînor”, “Aboriya Bajêr, Lêgerîna Rêyên Çareseriyê yên Esnafên Biçûk û Sektora Xizmetê” û ”Fînansa Civakî, Bazirganiya Dadwer û Eko-Endurstrî” dê werin gotûbêjkirin.
