Di Kûpaya Cîhanê de Fransa û Fas derketin fînala çarîkê. Dê îro jî Brezîlya û Norveç werin hemberî hev.
Kûpaya Cîhanê ya 2026 FIFA di navbera 11ê Hezîranê û 19ê Tîrmeha 2026an de li Kanada, Meksîka û Dewletên Yekbûyî yên Amerîkayê (DYA) tê lidarxistin. Ev tûrnûvaya dîrokî bi 48 tîman û bi giştî 104 maçan, yekem Kûpaya Cîhanê ye ku ji aliyê 3 welatan ve mazûvaniya wê tê kirin. Kûpaya Cîhanê bi Tûra 32emîn bi dawî bû û maçên Tûra 16emîn dest pê kirin. Di maça yekemîn a Tûra 16emîn de Kanada û Fas hatin hemberî hev û maç bi serkeftina 3-0 ya Fasê bi dawî bû. Di maça duyemîn a Tûra 16emîn de jî Fransa û Paragûay hatin hemberî hev û maç 1-0 bi serkeftina Fransayê bi dawî bû.
Di fînala çarîkê de Fransa û Fas dê werin hemberî hev. Dê îro jî li gorî saeta bakurê Kurdistanê û Tirkiyeyê di saet 23:00an de di maça sêyemîn a Tûra 16emîn de Brezîlya û Norveç werin hemberî hev.
