Îran: DYA êriş bike em dê bersivek tund bidin

Rageşiya di navbera DYA û Îranê de mezin dibe. Hate ragihandin ku Trump bi êrîşan dixwaze Îranê neçarî peymanê bike. Îranê jî destnîşan kir ku ger êriş çê bin dê bersivek tund bidin.

Rageşiya leşkerî ya di navbera Washington û Tehranê de bi gefên dualî berdewam dike. Piştî peyamên êrîşê yên Wezîrê Parastinê yê DYAyê, çavkaniyekî leşkerî yê Îranê hişyariyeke tund da Amerîkayê û ragihand ku eger êrîşek pêk were, ew ê bi bersveke girantir û bi lêdana hedefên nû rabin.

‘Me di heman şerê de bersiv da’

Li gorî nûçeya ku Ajansa Nûçeyan a Tasnimê ya ser bi Pasdarên Şoreşê (IRGC) ve belav kir, çavkaniyeke leşkerî yê Îranê diyar kir ku wan amadebûna xwe nîşan daye û wiha got: “Piştî êrişên şevê din me di heman şevê de ji Amerîkayê re îsbat kir ku her serpêhatiyeke nû û her bêaqiliyek dê bi bersva Îranê re rû bi rû bibe.”

‘Em dê li hedefên nû bidin’

Heman çavkanî destnîşan kir ku artêş û hêzên çekdar ên Îranê îşev jî amade ne û peyameke zelal da DYAyê. Çavkanî wiha got: “Hêzên çekdar ên Îranê îşev jî bi temamî amade ne. Eger Amerîkayî bikevin nav tevgereke êrîşkar, dê careke din bi bersveke pir giran re rû bi rû bimîne. Îran dê vê carê li hedefên nû yên berjewendiyên vî rejîmê terorîst bixe.”